سەمەيدە جۇمىسسىز اۋىل تۇرعىندارى وقىتىلىپ جاتىر

سەمەي. قازاقپارات - سەمەيدىڭ شالعايداعى ەلدى مەكەندەرىندە جۇمىسسىز ازاماتتاردى موبيلدىك ءبىلىم بەرۋ ورتالىقتارى ارقىلى تۇرعىلىقتى جەرلەرى بويىنشا وقىتۋ جۇرگىزىلۋدە، دەپ حابارلايدى قازاقپارات ءتىلشىسى.

سەمەي قالاسى اكىمىنىڭ باسپا ءسوز قىزمەتىنەن ءمالىم ەتكەندەي، جۇمىسسىزداردى تۇرعىلىقتى جەرلەرىندە وقىتۋ ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋدىڭ 2017-2021 -جىلدارعا ارنالعان باعدارلاماسى اياسىندا وتكىزىلۋدە.

اعىمداعى جىلى سەمەي قالاسى بويىنشا قاراولەڭ، ابىرالى، العاباس، اقبۇلاق جانە اينابۇلاق اۋىلدىق وكرۋگتەرىنىڭ 70 جۇمىسسىز ازاماتىن ەلەكتروتەحنيكالىق كوللەدج موبيلدىك ءبىلىم بەرۋ ورتالىعى ارقىلى وقىتاتىن بولادى. يگەرىلەتىن ماماندىقتار: ەلەكتر جانە گازبەن دانەكەرلەۋشى، اسپاز- كونديتەر، كۇش جەلىلەرى مەن ەلەكتر جابدىقتارىنىڭ مونتاجداۋشىسى، ەلەكتروندى ەسەپتەۋ ماشيناسىنىڭ وپەراتورى جانە اسپازشى.

باعدارلاماعا قاتىسۋشىلار مەملەكەت تاراپىنان تەگىن بىلىممەن قاتار، ايىنا 16759 تەڭگە كولەمىندە شاكىرتاقى الادى.