ۇلتتىق ات سپورتى: «ۇلى دالا رۋحى» فەستيۆالىنە ىرىكتەۋ ءوتتى

استانا. قازاقپارات - استانادا «ۇلى دالا رۋحى» فەستيۆالى اياسىندا باتىس قازاقستان وبلىسىنىڭ دارابوزدارىن ىرىكتەۋ جارىسى ءوتتى.

بۇل تۋرالى «حابار 24» تەلەارناسى حابارلادى.

قازانات يپپودرومىندا سپورتشىلار «جامبى اتۋ» مەن «تەڭگە ىلۋدەن» باق سىنادى. فەستيۆال ەرتەڭ دە جالعاسىپ، اۋدارىسپاقتان سايىس وتەدى. ەكى كۇنگە جالعاساتىن دوداعا جالپى سانى 40-تان اسا سپورتشى قاتىسادى. ىرىكتەۋ سايىسىنىڭ جەڭىمپازدارى 2- كەزەڭگە جولداما الادى. ال اقتىق باسەكە 11-16 -قىركۇيەك ارالىعىندا استانادا وتەدى.

ايتا كەتەيىك، 4 -شىلدەدە باستالعان فەستيۆال ەكى جارىم ايعا سوزىلادى. وعان رەسپۋبليكا بويىنشا مىڭنان استام سپورتشى قاتىسپاق.

«بۇگىندە «ۇلى دالا رۋحى» ۇلتتىق فەستيۆالىنە 8 سپورت ءتۇرى كىرىپ وتىر. بۇل ۇلكەن جەتىستىك. بۇگىندە ءار سپورت ءتۇرىنىڭ ءوزىنىڭ ەرەجەسى بەكىتىلگەن. باعدارلاماسى بار. ياعني ەرەجە ناقتى مەملەكەت تاراپىنان بەكىتىلىپ وتىرعاننان كەيىن بۇنىن ارى-قاراي دامۋىنا ۇلكەن جول اشىلادى دەگەن ءسوز»، - دەدى ۇلتتىق ات سپورتى تۇرلەرى ورتالىعىنىڭ ديرەكتورى نۇرسۇلتان يبراگيموۆ.