01:29, 22 - شىلدە 2018 | GMT +6
استانادا اسكەري قىزمەتشىلەر ورتەنگەن پاتەردەن ەر ادامدى قۇتقاردى
استانا. قازاقپارات - ەلوردادا ۇلتتىق گۆارديانىڭ 3660- اسكەري بولىمشەسىنىڭ اسكەري قىزمەتشىلەرى - سەرجانت ايزات دۇيسەكەيەۆ پەن قاتارداعى اسكەر الەكساندر سۋشيك ورتكە ورانعان پاتەردەن ەر ادامدى قۇتقارىپ الدى، دەپ حابارلايدى قازاقپارات ق ر ۇلتتىق گۆاردياسىنىڭ باسپا ءسوز قىزمەتىنە سىلتەمە جاساپ.
«كەشە كەشكىسىن استاناداعى بەيبىتشىلىك پەن مولداعۇلوۆا كوشەلەرىنىڭ قيىلىسىندا سەرجانت ايزات دۇيسەكەيەۆ پەن قاتارداعى اسكەر الەكساندر سۋشيككە ايەل ادام كومەك سۇراي جۇگىنىپ، ەگدە جاستاعى ەر ادام تۇتىنگە ورانعان پاتەردە قالىپ قويعانىن ايتادى. ۇلتتىق گۆارديانىڭ 3660-شى اسكەري بولىمشەسىنىڭ اسكەري قىزمەتشىلەرى ايەل باعىت سىلتەگەن جاققا شاپشاڭ اتتانعان»، - دەپ مالىمدەدى باسپا ءسوز قىزمەتى.
ءۇيدىڭ كىرەبەرىسى دە ءيىس گازىنا ورانىپ ۇلگەرگەن. پاتەرگە كىرگەن گۆاردياشىلدار قويۋ قارا ءتۇتىننىڭ اراسىنان ەر ادامدى الىپ شىعادى. ارتىنشا، ءۇيدىڭ باسقا تۇرعىندارىن دا ەۆاكۋاتسيالايدى.
ولار ءورت ءسوندىرۋ قىزمەتى مەن جەدەل مەديتسينالىق جاردەم كەلگەنشە تۇرعىندارعا كومەك كورسەتكەن.