15:02, 21 - شىلدە 2018 | GMT +6
الماتىلىقتار دەنيس تەندى اقتىق ساپارعا شىعارىپ سالدى
الماتى. قازاقپارات - الماتىدا دەنيس تەنمەن قوشتاسۋ ءراسىمى اياقتالدى، دەپ حابارلايدى قازاقپارات ءتىلشىسى.
قوشتاسۋ ساتىندە مارتەبەلى قوناقتاردىڭ سوزىنەن كەيىن دەنيستىڭ تابىتىن ءوزى جازعان انمەن الىپ شىقتى. جينالعاندار سپورتشىنى ەرەكشە قۇرمەتپەن اقتىق ساپارعا اتتاندىردى.
جۇزدەن اسا ادام دەنيس تەنمەن ماڭگىلىككە قوش ايتىستى. وسىدان ءبىر اي بۇرىن عانا دەنيس 25 جاسقا تولعان ەدى. ول مانەرلەپ سىرعاناۋدان بيىكتەردى باعىندىرۋ ءۇشىن تىنباي ەڭبەكتەنەتىن. سونداي-اق ول ءان جازىپ، ونى ورىنداۋمەن اينالىسا باستاعان. ءتىپتى فيلم تۇسىرگىسى كەلگەن ەكەن.
قازاقستاندىق مانەرلەپ سىرعاناۋشى دەنيس تەن 19 -شىلدە كۇنى پىشاق جاراقاتىنان قايتىس بولدى. سپورتشى كولىگىنىڭ ايناسىن ۇرلاماق بولعان ەكى ادامنىڭ قىلمىسىنىڭ ۇستىنەن تۇسكەن. ارادا باستالعان جانجالدىڭ سالدارىنان ۇرىلار دەنيس تەنگە پىشاق سالعان. كۇدىكتىلەر ۇستالدى.
