ەلوردا اۆتوبۋستارىندا بيلەتسىز جۇرگەندەرگە ايىپپۇل سالىندى
«سوڭعى ەكى كۇندە ەلوردا اۆتوبۋستارىندا 34 جولاۋشى انىقتالدى. ولارعا جالپى سوماسى 163540 تەڭگە مولشەرىندە ايىپپۇل سالىندى (قوعامدىق كولىكتە جولاقى تولەۋدەن جالتارۋ ەكى ايلىق ەسەپتىك كورسەتكىش نەمەسە 4810 تەڭگە مولشەرىندە ايىپپۇل سالۋعا نەگىز بولادى). سول 34 جولاۋشىنىڭ ىشىندەگى بىرەۋى زەينەتكەر بولىپ شىقتى»، - دەلىنگەن كومپانيانىڭ رەسمي حابارلاماسىندا.
«استانا LRT» ج ش س باسقارما ءتوراعاسى بەكمىرزا يگەنبەردينوۆ تە باقىلاۋدىڭ كۇشەيتىلەتىنى تۋرالى ەسكەرتتى.
«كولىكتە كۇتپەگەن جەردەن باقىلاۋ جۇرگىزىلەدى. قاي ءساتتى، قاي ايالدامادا باقىلاۋ بولاتىنىن ەشكىم بىلمەۋى ءتيىس. جەڭىلدىك كارتالاردىڭ يەلەرىنە اۆتوبۋسقا كىرگەن بويدا ۆاليداتسيا جۇرگىزۋ قاجەتتىگىن ەسكەرتەمىز. تەكسەرۋ كەزىندە ۆاليداتسيا جاسالماعانى انىقتالسا، بۇل - اقى تولەۋدەن جالتارۋعا تەڭەستىرىلەدى»، - دەدى ب. يگەنبەردينوۆ استاناداعى بريفينگتە.
ول 21 -شىلدەدەن باستاپ ديففەرەنسيالانعان ءتاريفتىڭ ەنگىزىلۋىنە بايلانىستى، كوندۋكتور لاۋازىمىنىڭ جويىلاتىنىن تاعى دا ەسكە سالدى. قازىرگى تاڭداعى كوندۋكتورلاردىڭ بارلىعى ەلەكتروندى تولەم جۇيەسى جونىندەگى كەڭەسشىلەردىڭ قىزمەتىن اتقارا باستايدى.
«كەڭەسشىلەر ەرتەڭنەن باستاپ ۆاليداتورلارمەن جۇمىس ىستەۋ بويىنشا بارىنشا كومەكتەسەدى. ولاردىڭ جولاۋشىلاردى اۆتوبۋستان شىعارىپ جىبەرەتىن قۇزىرەتى جوق. بۇل ماڭىزدى فاكتور. ولار ەندى اۆتوبۋستاردا تەك كەڭەس بەرۋمەن اينالىسادى. ال اۆتوبۋستان شىعارىپ جىبەرۋگە تەك باقىلاۋشىلاردىڭ قۇقىعى بار»، - دەپ مالىمدەدى كومپانيا باسشىسى.
سونىمەن قاتار ول كەڭەسشىلەردىڭ جالاقىسى كوندۋكتورلاردىڭ جالاقىسىمەن بىردەي مولشەردە ساقتالاتىنىن اتاپ كورسەتتى.