استانا حالقى مۇز حانزاداسىمەن قوشتاسىپ جاتىر

None
None
استانا. قازاقپارات - استاناداعى «بارىس- ارەنا» سارايىندا قازاقستاننىڭ ەڭبەك سىڭىرگەن سپورت شەبەرى، سوچي وليمپياداسىنىڭ قولا جۇلدەگەرى دەنيس تەنمەن قوشتاسۋ ءراسىمى ءوتىپ جاتىر، دەپ حابارلايدى قازاقپارات ءتىلشىسى.

قازاقستان قانجىعاسىنا تالاي جۇلدە بايلاپ، قازاق سپورتىنىڭ جارىق جۇلدىزىنا اينالعان دەنيس 19 -شىلدە كۇنى الماتىدا كوشە بۇزاقىلارىنىڭ قولىنان قازا تاپقان ەدى.

الماتىداعى قوشتاسۋ راسىمىمەن قاتار وتكەن بۇل قارالى جيىنعا ەلورداداعى سپورت قاۋىمداستىعى وكىلدەرى، باپكەرلەر مەن سپورتشىسىن جوقتاعان قالا تۇرعىندارى دا قاتىستى.

قابىرعاسى قايىسقان ەل دەنيستىڭ سۋرەتى بەينەلەنگەن باننەر الدىنا گۇلدەر مەن مايشام اكەلىپ قويۋدا.

 ÐÑÑ‚ана халқы Мұз ханзадасымен қоштасып жатыр

«اجال ايتىپ كەلمەيدى دەگەن قازاقتىڭ ءسوزى بار. ءبىز دەنيستى قورعاي المادىق، ساقتاي المادىق. قانىشەرلەر ۇستالعانىمەن، سۇيىكتى ۇلىمىز دەنيس ارامىزعا قايتىپ كەلمەيدى. دەنيس سپورتتىق جەتىستىكتەرىمەن عانا ەمەس، ادامي قاسيەتتەرىمەن، ءوزىنىڭ كىشىپەيىلدىلىگىمەن، كوپشىلدىگىمەن بارشامىزدىڭ جۇرەگىمىزدەن ورىن الدى. جاتقان جەرى جايلى بولسىن»، - دەپ كوڭىل ايتتى قازاقستاندىق سپورت كوممەنتاتورى دياس احمەتشارىپ.

جانازاعا كەلۋشىلەر سپورتشىنى ءبىر مينۋت ۇنسىزدىكپەن ەسكە الدى.

قىرشىن كەتكەن جاس الماتىدا 1993 -جىلى 13 -ماۋسىمدا دۇنيەگە كەلدى. ول - كورەيادا جاپون وتارلاۋشىلارىنا قارسى سوعىسقان گەنەرال مين گىن حونىڭ ۇرپاعى. دەنيس تەن بالالىق شاعىندا مۋزىكا، تەننيس، اكروباتيكا، كاراتە، سۋدا جۇزۋمەن اينالىسىپ، تۇپتەپ كەلگەندە، مانەرلەپ سىرعاناۋدى تاڭدادى.

دەنيس تەن قازاقستاننىڭ مانەرلەپ سىرعاناۋ سپورتى تاريحىندا جاڭا پاراقتار جازدى. لوس- اندجەلەستە وتكەن 2009 -جىلعى الەم چەمپيوناتىندا ۇزدىك وندىقتىڭ قاتارىنا ەنىپ، سەگىزىنشى ورىنعا يە بولدى. وسىلايشا ول ۆانكۋۆەر وليمپياداسىنا قازاقستانعا قوس بىردەي جولداما الىپ بەردى. 2010 -جىلعى وليمپيادادا ەڭ جاس قاتىسۋشى بولعانىنا قاراماستان، 11-ورىننان كورىندى. بۇل الداعى جارقىن جەڭىستەردىڭ باسى ەدى.

2011 -جىلدىڭ اقپانىندا قازاقستاندا وتكەن Ⅶ قىسقى ازيا ويىندارىندا دەنيس تەن التىن جۇلدەنى جەڭىپ الدى. ەكى جىلدان كەيىن كانادادا وتكەن الەم چەمپيوناتىندا د. تەن ءوزىنىڭ جەكە رەكوردى - 266,48 بالعا قول جەتكىزدى. ەركىن باعدارلامادا ۇزدىك شىققان ول قورىتىندىدا كانادالىق پاتريك چاننان نەبارى 1,3 بالعا قالىپ قويىپ، كۇمىس جۇلدەنى ەنشىلەدى. ءسويتىپ قازاقستاندىق مانەرلەپ سىرعاناۋشىلار اراسىندا العاش رەت الەم چەمپيوناتىنىڭ جۇلدەگەرى اتاندى. دەنيستىڭ سپورتتىق جولىنداعى باستى جەتىستىگى، ارينە، سوچي وليمپياداسىنداعى قولا مەدال ەدى. بۇل سول دوداداعى قازاقستان قورجىنىنداعى جالعىز جۇلدە بولاتىن ءارى تاۋەلسىز ەل تاريحىندا مانەرلەپ سىرعاناۋدان الىنعان ءبىرىنشى مەدال ەدى.

«قۇرمەت» وردەنىنىڭ جانە مەملەكەتتىك «دارىن» جاستار سىيلىعىنىڭ يەگەرى دەنيس تەننىڭ بۇدان باسقا دا تابىستارعا قول جەتكىزۋىنە جاراقاتتارى مۇمكىندىك بەرمەدى. 25 جىل عۇمىرىندا ومىردەن وزعان سپورتشىنىڭ بولاشاعى الدا ەدى. قانشا بيىككە كوتەرىلسە دە، ءوزىنىڭ كىشىپەيىل مىنەزىنەن، سۇيكىمدى قالپىنان تانباي، حالقىنىڭ قوشەمەتىنە بولەنگەن دەنيس تەننىڭ جارقىن بەينەسى ەل جادىنان ماڭگى وشپەيتىنى انىق.

Астана халқы Мұз ханзадасымен қоштасып жатыр

Астана халқы Мұз ханзадасымен қоштасып жатыр

اۆتورى ايجان سەرىكجان قىزى

سوڭعى جاڭالىقتار