22:20, 20 - شىلدە 2018 | GMT +6
جاڭالىق جۇرگىزۋشىسى دەنيس تەننىڭ قازاسىن حابارلاپ تۇرىپ تىكەلەي ەفيردە جىلاپ جىبەردى
استانا. قازاقپارات - تەلەجۇرگىزۋشى ەفير كەزىندە دەنيس تەننىڭ قازاسى جايلى ايتام دەپ كوز جاسىنا ەرىك بەردى.
«اتامەكەن» بيزنەس ارناسىنىڭ جۇرگىزۋشىسى دەنيستىڭ قازاسىن حابارلاۋ بارىسىندا كوز جاسىنا ەرىك بەردى. ول ءسوزىن اياقتاي الماي، ەفيردە ازداعان كىدىرىس بولدى. ءارى قاراي كادر سىرتىنداعى ءماتىندى وقىدى. الايدا داۋسى دىرىلدەپ، تولقي وتىرا وقىدى. ەفيردەن دەنيستى ەسكە الۋعا كەلگەن تۇرعىندار جايلى سيۋجەت بەرىلدى.
جەلى قولدانۋشىلارى بۇل جايتقا تۇسىنىستىكپەن قارادى.
«تۇسىنەمىز، بارىمىزگە دە اۋىر، قايىرلى بولسىن»، «قازاق ەلى ءۇشىن ورتاق قايعى، ءبارىمىزدىڭ جۇرەگىمىز اۋىردى»، «دەنيستەن ايىرىلعانىمىز وكىنىشتى، قازانى حابارلاۋ دا وڭاي ەمەس»، - دەپ جازادى جەلىدەگىلەر.
Жылама, жанымау... Барлығымызға қазір өте ауыр😢😔 #денистен #d10