كۇدىكتى ارمان قۇدايبەرگەنوۆ دەنيس تەنگە ەكى جەرىنەن پىشاق سالعان

الماتى. قازاقپارات - وليمپيادا جۇلدەگەرى دەنيس تەننىڭ ولىمىنە قاتىسى بار بولۋى مۇمكىن ەكىنشى كۇدىكتى ارمان قۇدايبەرگەنوۆ ۇستالدى.

بۇل تۋرالى قالالىق ءى ءى د ارنايى بريفينگ بارىسىندا قالالىق ءى ءى د باسشىسى سەرىك كۇدەبايەۆ ايتتى، دەپ حابارلايدى قازاقپارات ءتىلشىسى.

«2018 -جىلى 20 -شىلدەدە دەنيس تەننىڭ ولىمىنە قاتىسى بولۋى مۇمكىن دەگەن كۇدىكپەن 1994 -جىلى تۋعان  قىزىلوردا وبلىسى قارماقشى اۋدانى، اقاي اۋىلىنىڭ تۋماسى قۇدايبەرگەنوۆ ارمان ءبورىباي ۇلى ۇستالدى. قازىر ول ءوزىنىڭ قىلمىس جاساعانىن مويىندادى. كۇدىكتى اقساي 2 شاعىن اۋدانىندا كوشەدەن ۇستالدى»، - دەدى سەرىك كۇدەبايەۆ.

پوليتسيانىڭ ايتۋىنشا، ەكەۋى دە بۇرىن ءىستى بولعان.

«ەكەۋىدە ىستەگەن ءىسىن موينىنا الدى. ارمان قۇدايبەرگەنوۆ دەنيسكە ەكى رەت پىشاق سالعان. ولار دەنيس تەندى ءولتىرىپ العانىن كەيىن الەۋمەتتىك جەلىدەن ءبىر-اق بىلگەن. بۇلار وزدەرىنە اقشا كەرەك بولعان سوڭ، وسى قادامعا بارعان»، - دەدى ول.

بۇگىن بەلگىلى بولعانداي، سپورتشىنىڭ ولىمىنە قاتىسى بار ەكى كۇدىكتىنىڭ ءبىرى ۇستالىپ، ول قىلمىسىن مويىندادى. ەكىنشى كۇدىكتى - 1994 -جىلى تۋعان قىزىلوردا وبلىسى، قارماقشى اۋدانى، اقاي اۋىلىنىڭ تۋماسى ارمان قۇدايبەرگەنوۆكە ىزدەۋ جاريالاندى.

سونداي-اق، دەنيس تەننىڭ ولىمىنە كۇدىكتى نۇرالى قياسوۆ كۇزەتپەن المالى اۋداندىق سوتىنا جەتكىزىلگەن.

ال الدىن الا تاراتىلعان اقپارات بويىنشا دەنيس تەننىڭ ءولىمى بويىنشا كۇدىكتى ەكىنشى ادام ارمان قۇدايبەرگەنوۆ ۇستالدى.