21:23, 20 - شىلدە 2018 | GMT +6
دەنيس تەندى ءولتىردى دەگەن كۇدىكتى سوتتا جىلاپ جىبەردى
الماتى. قازاقپارات - الماتىدا المالى اۋداندىق سوتىندا دەنيس تەندى ءولتىردى دەگەن كۇدىكتىگە قاتىستى بۇلتارتپاۋ شاراسىن قولدانۋ ماسەلەسى قارالىپ جاتىر، دەپ حابارلايدى قازاقپارات ءتىلشىسى سوت زالىنان.
سوت وتىرىسىنىڭ الدىندا كۇدىكتى نۇرالى قياسوۆ سوتقا اكەلىندى. كۇدىكتىنىڭ ايتۋىنشا، ول جۇمىسسىز بولعان. ورتا ءبىلىمدى. سۋديانىڭ سۇراقتارىنا جاۋاپ بەرە كوز جاسىنا ەرىك بەردى. ول بۇرىن دا بىرنەشە رەت سوتتى بولعان.
بۇگىن بەلگىلى بولعانداي، سپورتشىنىڭ ولىمىنە قاتىسى بار ەكى كۇدىكتىنىڭ ءبىرى ۇستالىپ، ول قىلمىسىن مويىندادى. ەكىنشى كۇدىكتى - 1994 -جىلى تۋعان قىزىلوردا وبلىسى، قارماقشى اۋدانى، اقاي اۋىلىنىڭ تۋماسى ارمان قۇدايبەرگەنوۆكە ىزدەۋ جاريالاندى.
سونداي-اق، دەنيس تەننىڭ ولىمىنە كۇدىكتى نۇرالى قياسوۆ كۇزەتپەن المالى اۋداندىق سوتىنا جەتكىزىلگەن.
ال الدىن الا تاراتىلعان اقپارات بويىنشا دەنيس تەننىڭ ءولىمى بويىنشا كۇدىكتى ەكىنشى ادام ارمان قۇدايبەرگەنوۆ ۇستالدى.