00:10, 21 - شىلدە 2018 | GMT +6
جالعان حابارلاردىڭ جولىن كەسەتىن زاڭ قابىلداندى
استانا. قازاقپارات - مىسىر پارلامەنتى ەل بيلىگىنە تاراتقان اقپاراتى شىندىققا سايكەس كەلمەسە الەۋمەتتىك جەلىدەگى اككاۋنتتى بۇعاتتاۋعا، سونداي-اق، جالعان حابار تاراتقان تىلشىلەر مەن بۇقارالىق اقپارات قۇرال وكىلدەرىن جاۋاپكەرشىلىككە تارتىپ، جازالاۋعا مۇمكىندىك بەرەتىن زاڭ جوباسى قابىلداندى.
قابىلدانعان زاڭ تالاپتارىنا سايكەس ەندىگى جەردە الەۋمەتتىك جەلىدە 5 مىڭنان اسا جازىلۋشىسى بار اككاۋنتتاردىڭ بارلىعى بۇقارالىق اقپارات قۇرالىنا جاتقىزىلادى. اتالمىش زاڭ تالاپتارىنىڭ بۇزىلماۋىن پيراميدالار ەلىنىڭ بۇقارالىق اقپارات قۇرالدارىن رەتتەۋ جونىندەگى جوعارعى كەڭەسى قاداعالايتىن بولادى.
بۇل قۇزىرلى ورگان جەتەكشىسىن ەل پرەزيدەنتى ءابدىفاتتاھ اس-سيسيدىڭ ءوزى تىكەلەي تاعايىندايتىن بولادى. جاقىن ارادا. ءسوز بوستاندىعىنا قول سۇعۋ ما الدە مەملەكەت قاۋىپسىزدىگىن ويلاۋدان تۋعان قادام با نەمەسە اۆتوريتارلى بيلىكتىڭ ءوز قامىن جاساۋدان تۋعان قادامعا با؟ بۇل تۋراسىندا قازىرشە ساراپشىلار ءوز پىكىرلەرىن ءالى ايتقان جوق.