دەنيس تەننىڭ ءولىمى: ەكىنشى كۇدىكتى ۇستالدى

استانا. قازاقپارات - دەنيس تەننىڭ ءولىمى بويىنشا كۇدىكتى ەكىنشى ادام ۇستالدى، دەپ حابارلايدى قازاقپارات ءتىلشىسى ق ر ءى ءى م باسپا ءسوز قىزمەتىنە سىلتەمە جاساپ. بۇل اقپاراتتى ق ر ىشكى ىستەر مينيسترلىگى راستادى.

 الماتى سوتى زالىندا جاريالانعان حابارعا سايكەس، دەنيس تەننىڭ ءولىمى بويىنشا كۇدىكتى - ارمان قۇدايبەرگەنوۆ ۇستالدى. بۇگىن كەشكى 20:00-دە الماتىدا كۇدىكتىنى ۇستاۋ بويىنشا ارنايى بريفينگ وتەدى.

ايتا كەتسەك، قازاقستاندىق مانەرلەپ سىرعاناۋشى دەنيس تەن 19 - شىلدە كۇنى پىشاق جاراقاتىنان قازا بولعان ەدى. وقيعا قۇرمانعازى بايسەيىتوۆا كوشەلەرىنىڭ قيىلىسىندا 19 - شىلدەدە تۇسكى ساعات 15:00 شاماسىندا بولعان. سپورتشى كولىگىنىڭ ايناسىن ۇرلاماق بولعان ەكى ادامنىڭ ۇستىنەن تۇسكەن. ارادا باستالعان جانجالدىڭ سالدارىنان ۇرىلار دەنيس تەنگە پىشاق سۇعىپ العان. ول وڭ جاق سانىنىڭ جوعارعى تۇسىنا جاراقات الدى. 25 جاستاعى تەن ءۇش ليتر قان جوعالتىپ، اۋرۋحاناعا وتە اۋىر جاعدايدا جەتكىزىلدى. ءبىراق الماتى قالالىق دەنساۋلىق ساقتاۋ باسقارماسىنىڭ باسشىسى سەرىكبول مۋسينوۆ قوسىمشا قان قاجەت ەمەستىگىن جانە رەسۋرستار جەتكىلىكتى ەكەندىگىن ءمالىم ەتكەن بولاتىن.

 2,5 ساعاتقا جالعاسقان رەانيماتسيالىق شارالارعا قاراماستان، اۋرۋحانا دارىگەرلەرى ونىڭ ومىرىنە اراشا تۇسە المادى. ساعات 17.30-دا وليمپيادا جۇلدەگەرى قايتىس بولدى.

ادام ءولتىرۋ بابىمەن قىلمىستىق ءىس قوزعالدى.

بۇگىن بەلگىلى بولعانداي، سپورتشىنىڭ ولىمىنە قاتىسى بار ەكى كۇدىكتىنىڭ ءبىرى ۇستالىپ، ول قىلمىسىن مويىندادى. ەكىنشى كۇدىكتى - 1994 -جىلى تۋعان قىزىلوردا وبلىسى، قارماقشى اۋدانى، اقاي اۋىلىنىڭ تۋماسى ارمان قۇدايبەرگەنوۆكە ىزدەۋ جاريالانعان بولاتىن.

اۆتور: ايجان سەرىكجان قىزى