دەنيس تەننىڭ شەتەلدەگى جانكۇيەرلەرى قازاقستان ەلشىلىكتەرى الدىنا گۇل شوقتارىن قويۋدا
«كەشە لاتۆيا استاناسىنداعى قازاقستان كونسۋلدىعى الدىنا دەنيس تەندى ەسكە الۋعا كەلگەن ادامدار جينالدى. بۇگىن ماسكەۋدەگى قر ەلشىلىگىندە كوڭىل ايتۋ كىتابى اشىلدى»، - دەپ حابارلادى ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ قازاقپارات تىلشىسىنە.
سونىمەن بىرگە، رەسەيدەگى قازاقستان ەلشىلىگى دەنيس تەندى قۇرمەتپەن ەسكە العىسى كەلگەندەر ءۇشىن عيمارات الدىنا سپورتشىنىڭ پورترەتىن قويدى. ودان بولەك، چەحياداعى قازاقستان ەلشىلىگى عيماراتى الدىنا دەنيس تەننىڭ جانكۇيەرلەرى مايشام مەن گۇل اكەلىپ جاتىر.
«چەحيا مەن سلوۆاكياداعى قازاقستان ەلشىلىگى ارامىزدان ەرتە كەتكەن قازاقستاندىق سپورتشىنىڭ جاقىندارى مەن تۋىستارىنا كوڭىل ايتادى»، - دەلىنگەن حابارلامادا.
19 - شىلدە كۇنى الماتىدا قازاقستان حالقىنىڭ ەڭ سۇيىكتى سپورتشىلارىنىڭ ءبىرى دەنيس تەن قاسكويلەر قولىنان قازا تاپتى. مەملەكەت باسشىسى نۇرسۇلتان نازاربايەۆ دەنيس تەننىڭ اتا- اناسىنا قوڭىراۋ شالىپ، كوڭىل ايتتى.
اۆتور: ايجان سەرىكجان قىزى