سەگىز سەرىنىڭ شەكپەنى تابىلدى

 استانا. قازاقپارات - سولتۇستىك قازاقستان وبلىستىق تاريحي- ولكەتانۋ مۇراجايى باعا جەتپەس قۇندى جادىگەرمەن تولىقتى. قازاق حالقىنىڭ ءبىرتۋار ازاماتى، سەرىلەردىڭ سەرىسى، اتاقتى دارىن يەسى، ءانشى، سازگەر، اقىن مۇحامەدقاناپيا شاقشاقوۆتىڭ شەكپەنى تابىلدى.

وسىعان بايلانىستى قازىر ماماندار زەرتتەۋ جۇمىستارىمەن اينالىسىپ جاتىر. ولاردىڭ ايتۋىنشا، اتالعان شەكپەندى 1846 -جىلى اعا سۇلتان بولعان ەردەن ساندىباي ۇلى سەگىز سەرىگە سىيعا تارتقان ەكەن. كەيىن ۋاقىت وتە كەلە، مۇحامەدقاناپيا باھرام ۇلى ونى قاراعاندى وبلىسىنداعى ءوزىنىڭ جان جولداسى جيەنالى دوسقوجا ۇلىنىڭ يىعىنا جاۋىپتى. سودان بەرى ونىڭ ۇرپاعى قۇندى دۇنيەنى كوزدىڭ قاراشىعىنداي ساقتاپ كەلگەن.

 170 جىلعا جۋىق ۋاقىت وتسە دە، تۇيە جۇنىنەن توقىلعان جادىگەر قاز قالپىندا.

 احمەتجان قۋانتايەۆ، وبلىستىق تاريحي- ولكەتانۋ مۇراجايىنىڭ قىزمەتكەرى:

- بۇل جادىگەردىڭ قۇنى ەرەكشە. سەگىز سەرىنىڭ يىعىندا بولعان، ءيىسى سىڭگەن دۇنيە. سوندىقتان بيىل سەرىنىڭ 200 جىلدىعىن اتاپ ءوتۋ اياسىندا بۇل باعاسى جەتپەيتىن سىيلىق دەۋگە بولادى.

www.24.kz