قازاقستان تۇرىكتىڭ برەند دۇكەندەرىنىڭ سانى جاعىنان ءۇشىنشى ورىندا تۇر

ىستانبۇل. قازاقپارات - 2018 - جىلدىڭ سوڭىنا قاراي شەت ەلدە ءتورت مىڭداي تۇرىك برەند دۇكەندەرى اشىلادى، دەپ حابارلايدى انادولى اگەنتتىگى ءبىرىڭعاي برەندتەر قاۋىمداستىعىنىڭ باسشىسى سينان وندجەلگە سىلتەمە جاساپ.

 ونىڭ ايتۋىنشا، قازاقستان تۇرىكتىڭ برەند دۇكەندەرىنىڭ (227) اشىلۋى بويىنشا ءۇشىنشى ورىندا تۇر. رەسەي ەلى بۇل كورسەتكىشتە كوش باستاپ تۇر. ارتىنان ساۋد ارابياسى (264 دۇكەن)، قازاقستان، يران (199)، ۋكراينا (181)، رۋمىنيا (134)، يراك (128)، ازەربايجان (125)، سولتۇستىك كيپر، تۇرىك رەسپۋبليكاسى (102) جانە گرۋزيا (75) ورنالاسقان.

«تۇرىك برەندتەرى دۇكەندەرىنىڭ ۇشتەن ەكى بولىگى وسى 10 ەلدە اشىلعان»، - دەدى س. وندجەل.

ءبىرىڭعاي برەندتەر قاۋىمداستىعى باسشىسىنىڭ سوزىنشە، كۇن سايىن شەتەلدە ورتاشا ەسەپپەن تۇرىكتىڭ جاڭا ەكى برەند دۇكەنى اشىلادى. 2018 - جىلدىڭ باسىنان بەرى 108 ەلدە 3150 دۇكەن جانە 1150 BMD ساۋدا ورىندارى جۇمىس جاساپ تۇر. جىلدىڭ سوڭىنا دەيىن ولاردىڭ سانىن ءتورت مىڭعا جەتكىزۋ جوسپارلانعان.