وتاردا ارميا حالىقارالىق ويىندارى وتەدى

استانا. قازاقپارات - جامبىل وبلىسىنداعى «وتار» اسكەري بازاسى اۋماعىندا ارميا حالىقارالىق ويىندارى وتەدى.

ويىنداردىڭ اياسىندا «سۇڭقاردى اڭعا سالۋ»، «ارتيللەريا وتىنىڭ شەبەرلەرى» پيلوتسىز ۇشۋ اپپاراتتارىنىڭ جارىستارى جانە «سەنىمدى ءتاسىل» اسكەري بايلانىسشىلار بايقاۋى ۇيىمداستىرىلادى، دەپ حابارلايدى قازاقپارات.

ارميا ويىندارى - حالىقارالىق اۋقىمداعى بىرەگەي شارا. اسكەري ويىندار كوپشىلىكتىڭ قىزىعۋشىلىعىن تۋدىرۋ ارقىلى حالىقارالىق اسكەري قاۋىمداستىقتىڭ، تاجىريبە الماسۋدىڭ جاڭا سيمۆولىنا جانە بەيبىتشىلىك پەن كەلىسىمنىڭ كەپىلىنە اينالدى. جىل سايىن ارميا ويىندارىنىڭ باعدارلاماسىنا بايقاۋلاردىڭ جاڭا تۇرلەرى ەنگىزىلەدى. ولاردىڭ وتكىزىلەتىن گەوگرافياسى كەڭەيىپ، قاتىسۋشى ەلدەر سانى ارتىپ كەلەدى.

ق ر قورعانىس مينيسترلىگىنەن ءمالىم ەتكەندەي، بيىلعى جىلى ارميا ويىندارى ءارتۇرلى بايقاۋلار بويىنشا قازاقستان، رەسەي، ازەربايجان، ارمەنيا، بەلارۋس، يران جانە قىتاي ەلدەرىندە وتەدى.

قازاقستاندىق اسكەري قىزمەتشىلەر ارميا حالىقارالىق ويىندارىنىڭ 28 بايقاۋىنىڭ 14 ىنە قاتىسادى.