دەنيس تەننىڭ ولىمىنە قاتىستى ەكسپەريمەنتتىك تەرگەۋ ءجۇرىپ جاتىر
بۇل تۋرالى جەلىدە بەينە جازبا تاراپ جاتىر، دەپ حابارلايدى قازاقپارات ءتىلشىسى.
24 جاسار نۇرالى قياسوۆتى كۇندىز قۇقىق قورعاۋشىلار قۇرمانعازى مەن بايسەيىتوۆ قيىلىسىنا الىپ كەلدى. تەرگەۋشىلەر قىلمىستىق ارەكەتتىڭ حرونولوگياسىن انىقتاۋدا. تەرگەۋ ەكسپەريمەنتىنىڭ بارىسى كوپ ادامنىڭ نازارىن اۋدارتىپ، تيىم سالىنسا دا بەينەجازباعا تۇسىرگەندەر بولدى. بەينەروليكتە كۇدىكتى بەتىن جاسىرعانى بايقالادى.
قۇقىق قورعاۋ ورگانىنىڭ قىزمەتكەرلەرى كۇدىكتىمەن بىرگە شيەۆچەنكو مەن نازاربايەۆ كوشەلەرىنىڭ قيىلىسىنا دەيىن باردى. كەيىن ونى كولىككە وتىرعىزىپ الىپ كەتتى.
بۇعان دەيىن ايتىلعانداي، ۇستالعان جىگىت كىناسىن مويىنداعان بولاتىن.
الماتى پوليتسياسى دەنيس تەننىڭ ولىمىنە كۇدىكتى ەكىنشى ادامدى ىزدەستىرۋدى جالعاستىرىپ جاتىر.
ول بولجام بويىنشا قىزىلوردا وبلىسىنىڭ تۋماسى، 24 جاستاعى ارمان قۇدايبەرگەنوۆ.