ءاربىر كلينيكا اۋىر جاعدايداعى ناۋقاستاردى شۇعىل قابىلداۋى ءتيىس - مينيسترلىك
«نەلىكتەن دەنيس تەندى جاقىندا ورنالاسقان اۋرۋحاناعا جەتكىزبەدى؟» دەگەن سۇراقتار تۋىنداۋدا... جاقىندا تۇرعان اۋرۋحانا وسى جاعدايداعى ناۋقاستاردى قابىلداۋعا دايىن بولمادى. سوندىقتان ءاربىر كلينيكادا جەدەل جاردەمدى دامىتۋ كەرەك. سونىمەن قاتار قالالار كارتاسىن ايقىنداپ، جەدەل جاردەمنىڭ جەتۋ ۋاقىتىن بارىنشا ازايتىپ، اۋىر جاعدايداعى ناۋقاستاردى شۇعىل تۇردە قابىلداۋدا كلينيكالاردىڭ دايارلىعىن قامتاماسىز ەتۋ قاجەت»، - دەدى ۆيتسە-مينيستر دەنساۋلىق ساقتاۋ مينيسترلىگىنىڭ القا ماجىلىسىندە.
بۇدان بۇرىن ول اۋىر جاراقات العان دەنيس تەن نەلىكتەن ورتالىق قالالىق كلينيكالىق اۋرۋحاناعا جەتكىزىلگەنىن ءتۇسىندىردى.
ايتا كەتەيىك، بەلگىلى قازاقستاندىق مانەرلەپ سىرعاناۋشى دەنيس تەن پىشاقتان العان جاراقاتىمەن اۋرۋحاناعا 19- شىلدە كۇنى ءتۇس كەزىندە جەتكىزىلدى.
الماتى قالالىق ءى ءى د- ءنىڭ مالىمەتتەرى بويىنشا، بەلگىسىز بىرەۋلەر سپورتشىنىڭ كولىگىنىڭ ايناسىن ۇرلاماق بولعان.
وقيعانىڭ ۇستىنەن تۇسكەن سپورتشىنى ۇرىلار جامباسىنان جاراقاتتاعان. سپورتشى 3 ليتر قان جوعالتقان.
دارىگەرلەر ونىڭ جاعدايىن وتە اۋىر دەپ باعالادى. كەشىرەك ق ر دەنساۋلىق ساقتاۋ مينيسترلىگىنىڭ باسپا ءسوز حاتشىسى ەرنار اكىمقۇلوۆ سپورتشىنىڭ قازا بولعاندىعىن جاريالادى.
بۇگىن ق ر ىشكى ىستەر مينيسترلىگى دەنيس تەننىڭ ولىمىنە كۇدىكتىلەردىڭ ءبىرىنىڭ ۇستالعانىن جاريا ەتتى.
سونداي-اق پروكۋراتۋرا وكىلدەرى ۇستالعان كۇدىكتىنىڭ قىلمىس جاساعانىن مويىنداعانىن جاريالادى.