ا ق ش ازاماتتارىن تەرگەگىسى كەلگەن پۋتين ۇسىنىسىنان ترامپ باس تارتتى
مۇنىڭ ورنىنا پۋتين «بانكتى قاساقانا بانكروتتىققا ۇشىراتىپ، 3 ميللياردتان استام رۋبل سالىقتان جالتاردى» دەپ سىرتتاي سوتتالعان براۋدەر ىسىنە قاتىسى بار دەلىنگەن امەريكالىقتاردى سۇراتىپ ەدى.
پۋتين مۇنداي ۇسىنىستى حەلسينكيدەگى كەزدەسۋ كەزىندە ايتقان. ترامپتىڭ بۇل ۇسىنىستان باس تارتقانى تۋرالى اق ءۇيدىڭ باسپا ءسوز حاتشىسى سارا ساندەرس حابارلادى. ول «پۋتين 12 رەسەيلىكتىڭ امەريكاعا كەلىپ، كىناسىز ەكەنىن دالەلدەنۋىنە مۇمكىندىك بەرەدى دەپ سەنەمىز» دەدى.
رەسەي پرەزيدەنتى سۇراتقان ىستەگى براۋدەر - ا ق ش پەن بىرنەشە ەلدە رەسەيلىك زاڭگەر سەرگەي ماگنيتسكيدىڭ ولىمىنە قاتىسى بار جانە رەسەيدەگى ادام قۇقىقتارىنىڭ بۇزىلۋىنا كىنالى ادامدارعا قارسى سانكسيا سالاتىن «ماگنيتسكي زاڭىن» قابىلداۋعا سەبەپشى بولعان.
بىلتىر ماسكەۋدىڭ تۆەر سوتى براۋدەردى «بانكتى قاساقانا بانكروتتىققا ۇشىراتىپ، 3 ميللياردتان استام رۋبل سالىقتان جالتاردى» دەپ ايىپتاپ، سىرتتاي توعىز جىل تۇرمە جازاسىنا كەسكەن. رەسەي باس پروكۋراتۋراسى ينتەرپولعا براۋدەردى ۇستاۋ جانە ەكستراديتسيالاۋ تۋرالى كەزەكتى رەت سۇراۋ سالعان.
رەسەي سوتى براۋدەرگە ءبىرىنشى رەت سىرتتاي ۇكىم شىعارىپ وتىرعان جوق. 2013-جىلى براۋدەر «گازپروم» كومپانياسىنىڭ اكسيالارىن زاڭسىز يەلەنگەنى» ءۇشىن تاعى سىرتتاي توعىز جىل تۇرمە جازاسىنا كەسىلگەن.
ترامپتىڭ پۋتين ۇسىنىسىنان باس تارتقانىن اق ءۇي ا ق ش سەناتى امەريكالىق ازاماتتاردى تەرگەۋ رەزوليۋتسياسىنا ءبىراۋىزدان قارسى داۋىس بەرۋىنەن بىرنەشە مينۋت بۇرىن حابارلادى.
«ازاتتىق»