09:16, 20 - شىلدە 2018 | GMT +6
دەنيس تەننىڭ ولىمىنە كۇدىكتىلەردىڭ بىرەۋى ۇستالدى
استانا. قازاقپارات - قازاقستاندىق تانىمال مانەرلەپ سىرعاناۋشى، سوچي وليمپياداسىنىڭ قولا جۇلدەگەرى دەنيس تەننىڭ ولىمىنە كۇدىكتىلەردىڭ كىم ەكەنى بەلگىلى بولدى. بۇگىن ق ر ءى ءى م- ءنىڭ باسپا ءسوز قىزمەتى وسىنداي اقپارات تاراتتى.
باسپا ءسوز مالىمەتتەرىنە قاراعاندا، كۇدىكتىلەردىڭ كىم ەكەنى ارنايى جۇرگىزىلگەن جەدەل-ىزدەستىرۋ شارالارىنىڭ ناتيجەسىندە انىقتالىپ وتىر. كۇدىكتىلەردىڭ ءبىرى ۇستالىپ، ۋاقىتشا ۇستاۋ يزولياتورىنا قامالدى. ەكىنشى كۇدىكتىنى ۇستاۋ بويىنشا ءتيىستى ىزدەستىرۋ شارالارى اتقارىلۋدا. وزگە اقپاراتتار تەرگەۋ جۇمىستارىنا بايلانىستى قۇپيا بولىپ وتىر.
ايتا كەتەيىك، 19- شىلدە كۇنى الماتىدا قازاقستانعا تانىمال سپورتشىلاردىڭ ءبىرى دەنيس تەن جامباسىنان پىشاقتان جاراقات الدى. دارىگەرلەر قانشاما ارپالىسقانىمەن ونىڭ ءومىرىن امان الىپ قالا المادى. دەنيس تەننىڭ قازاسى بۇكىل قازاقستاندى دۇرلىكتىرگەن قايعىلى وقيعا بولدى. ەلباسى تانىمال سپورتشىنىڭ وتباسىنا كوڭىل ايتتى.