الماتى پوليتسياسى دەنيس تەندى ولتىرگەندەر تۋرالى اقپارات بەرگەندەرگە سىياقى تاعايىندادى

None
None
الماتى. قازاقپارات - الماتى پوليتسياسى مانەرلەپ سىرعاناۋشى دەنيس تەندى ولتىرگەن ادامدار تۋرالى اقپارات بەرگەندەرگە سىياقى تاعايىندادى، دەپ حابارلايدى قازاقپارات ءتىلشىسى.

الماتى پوليتسياسى سپورتشى دەنيس تەننىڭ ولىمىنە قاتىستى ق ر ق ك 99-بابىنىڭ 2- ءبولىمى بويىنشا سوتقا دەيىنگى تەرگەۋ ءىسىن جۇرگىزىپ جاتىر. تەرگەۋ اياسىندا قىلمىستى اشۋ ماقساتىندا كەشەندى جەدەل-ىزدەستىرۋ، تەرگەۋ شارالارى قولعا الىنعان.

سونىمەن قاتار، الماتى ءى ءى د وقيعاعا كۋا بولعانداردى انىقتاپ جاتىر.

«بۇل وقيعانى كوزىمەن كورگەن، قىلمىسقا قاتىسى بار كۇدىكتى ادامدار تۋرالى اقپارات بىلەتىن ادامدار بولسا، 2544042؛ 87017073600 نەمەسە 87017226062، 102 نومىرلەرىنە حابارلاسۋىن سۇرايمىز. قۇپيالىلىق پەن سىياقىعا كەپىلدىك بەرىلەدى»، - دەيدى قالالىق ءى ءى د باسپا ءسوز قىزمەتىندەگىلەر.

ايتا كەتۋ كەرەك، كەشە تۇسكى 15:00 شاماسىندا بەلگىلى سپورتشى دەنيس تەن پىشاق جاراقاتىمەن اۋرۋحاناعا تۇسكەن بولاتىن.

دارىگەرلەر كلينيكالىق ءولىم حالىندە كەلىپ تۇسكەن سپورتشىعا 2,5 ساعات بويى رەانيماتسيالىق شارالار جاساپ، امان الىپ قالا المادى.

دەنيس تەن كوپ قان جوعالتۋى سەبەبىنەن كوز جۇمدى. كەشە مارقۇم سوڭعى جاتتىعۋىندا بولعان.

سوڭعى جاڭالىقتار