07:54, 20 - شىلدە 2018 | GMT +6
بىشكەك مەرى قىزمەتىنەن بوساتىلدى
استانا. قازاقپارات - بىشكەك قالالىق كەنەشىنىڭ سەنىمسىزدىك ۆوتۋمىن بىلدىرۋىنە بايلانىستى، البەك يبرايموۆ بىشكەك قالاسىنىڭ مەرى لاۋازىمىنان بوساتىلدى، دەپ حابارلايدى كابار اگەنتتىگى قىرعىزستان ۇكىمەتى اپپاراتىنىڭ اقپاراتتىق قامتۋ بولىمىنە سىلتەمە جاساپ.
قىرعىز رەسپۋبليكاسىنىڭ پرەمەر-ءمينيسترى مۇحاممەدكالىي ابىلعازيەۆ بىشكەك مەرىن لاۋازىمىنان بوساتۋ تۋرالى بۇيرىققا قول قويدى.
ەسكە سالا كەتەيىك، 13- شىلدە كۇنى بىشكەك قالالىق كەنەش دەپۋتاتتارى قالا مەرى البەك يبرايموۆكە سەنىمسىزدىك ۆوتۋمىن ءبىلدىرىپ، ونىڭ وتستاۆكاعا كەتۋىن تالاپ ەتكەن بولاتىن.
مەملەكەتتىك ۇلتتىق قاۋىپسىزدىك كوميتەتى باسپا ءسوز قىزمەتىنىڭ مالىمەتىنشە، ا. يبرايموۆ 19- شىلدە كۇنى ۇستالىپ، م ۇ ق ك- ءنىڭ باس تەرگەۋ باسقارماسىنا جەتكىزىلدى. م ۇ ق ك باس تەرگەۋ باسقارماسى ءبىرقاتار قىلمىستىق ىستەردى تەرگەپ جاتىر. تەرگەۋ بارىسىندا ا. ءيبرايموۆتىڭ ولارعا قاتىسى بارى تۋرالى ناقتى مالىمەتتەر انىقتالعان.