استانادا «دەنيس تەندى ەسكە الايىق» اكسياسى وتۋدە
ەلوردا تۇرعىندارى كەنەسارى حان ەسكەرتكىشى جانىنداعى ارباتقا گۇلدەر اكەلىپ، مايشامدار جاعۋدا.
ايتا كەتەيىك، الماتىلىقتار دا دەنيس تەننىڭ قازاسىنا ورتاقتاسىپ، ونى ۇرىلار پىشاقتاعان جەرگە گۇل شوقتارىن قويۋدا. كەلىپ جاتقان ادامدار قاراسى كوبەيە تۇسۋدە.
قالالىق ءى ءى د باسپا ءسوز قىزمەتىنىڭ حابارلاۋىنشا، وقيعا قۇرمانعازى بايسەيىتوۆا كوشەلەرىنىڭ قيىلىسىندا كەشە تۇسكى ساعات 15:00 شاماسىندا بولعان. سپورتشى كولىگىنىڭ ايناسىن ۇرلاماق بولعان ەكى ادامنىڭ ۇستىنەن تۇسكەن. ارادا باستالعان جانجالدىڭ سالدارىنان ۇرىلار دەنيس تەنگە پىشاق سۇعىپ العان. ول وڭ جاق سانىنىڭ جوعارعى تۇسىنا جاراقات الدى. 25 جاستاعى تەن ءۇش ليتر قان جوعالتىپ، اۋرۋحاناعا وتە اۋىر جاعدايدا جەتكىزىلدى. ءبىراق الماتى قالالىق دەنساۋلىق ساقتاۋ باسقارماسىنىڭ باسشىسى سەرىكبول مۋسينوۆ قوسىمشا قان قاجەت ەمەستىگىن جانە رەسۋرستار جەتكىلىكتى ەكەندىگىن ءمالىم ەتكەن بولاتىن.
2,5 ساعاتقا جالعاسقان رەانيماتسيالىق شارالارعا قاراماستان، اۋرۋحانا دارىگەرلەرى ونىڭ ومىرىنە اراشا تۇسە المادى. ساعات 17.30 دا وليمپيادا جۇلدەگەرى قايتىس بولدى.
ادام ءولتىرۋ بابىمەن قىلمىستىق ءىس قوزعالدى.
\
\
