الەمدەگى ەڭ ۇلكەن اكۋلا

 استانا. قازاقپارات - عالىمدار ومىرتقالى جانۋارلار تاريحىنداعى ەڭ ۇلكەن جانە ەڭ كۇشتى بالىقتار ءولىمىنىڭ سەبەپتەرىن زەرتتەدى.

مەگالودون جەر بەتىندە بۇرىن ءومىر سۇرگەن اكۋلالاردىڭ ەڭ ۇلكەنى. عالىمدار ونىڭ تاسقا اينالىپ قالعان قالدىقتارىن زەرتتەي كەلە بۇل اكۋلا ءتۇرىنىڭ ۇزىندىعى -  18 مەتر، سالماعى -  65 توننا بولعانىن انىقتادى. بۇل سۋپەرجىرتقىشتىڭ قالدىقتارى كوپ تابىلعانىنا قاراماستان، ولار نە ءۇشىن ءبىزدىڭ زامانىمىزعا دەيىن جەتە الماعانى تۋرالى مالىمەت از.

«PLOS One» جۋرنالىندا جاريالانعان جاڭا زەرتتەۋلەردى شۆەتساريا مەن ا ق ش عالىمدارى بىرىگىپ جۇرگىزگەن. ولار تابىلعان بارلىق قالدىقتاردى زەرتتەي كەلە مەگالودوندار قىرىلىپ كەتۋ ۋاقىتىن انىقتادى. بۇل 2,6 ميلليون جىل بۇرىن بولعان ەكەن. جىرتقىشتار رەيتينگىسىندە كوش باستاپ تۇرعان بۇل ءىرى اكۋلانىڭ جويىلىپ كەتۋى عالامشارىمىزدىڭ باسقا جانۋارلارىنا جالپى ەكوتىزىمگە اسەر ەتپەي قويماعان.

ونىڭ ەڭ ۇلكەن ناتيجەلەرىنىڭ ءبىرى كيتتەردىڭ ۇلكەيۋى بولدى. عالىمداردىڭ مالىمدەۋىنشە مەگاجىرتقىشتاردىڭ نەگىزگى تۇتىناتىن ازىعى دا وسى كيتتەر بولعان. كيتتەر قالدىقتارىنداعى مەگادولوننىڭ 17 سانتيمەترگە دەيىن بولعان گيگانت تىستەرىنىڭ تابىلۋى سونىڭ دالەلى.



«مەگالودون» گرەك تىلىنەن اۋدارعاندا - «ۇلكەن ءتىس» دەگەندى بىلدىرەدى. مەگالودوندا 5 قاتار ورنالاسقان 276 ءتىسى بولعان. بۇل جىرتقىشتىڭ ەڭ كوپ تابىلاتىن قالدىعى دا وسى ءتىسى. اكۋلانىڭ قاڭقاسى، ومىرتقا سۇيەكتەرى تاعى باسقا قالدىقتارى وتە از تابىلادى ەكەن. ونىڭ قالدىقتارى ەۋروپا، سولتۇستىك، وڭتۇستىك امەريكا، افريكا، اۋستراليا، پۋەرتو- ريكو، كۋبا، يامايكا، ءۇندىستان، جاپونيا، جاڭا زەلانديا جالپى جەر شارىنىڭ بارلىق جەرىندە تابىلعان. مەگالودوننىڭ ءتىسىنىڭ كۇشى -  182000 نيۋتونعا دەيىن، ياعني بۇل قازىرگى كۇندەگى اق اكۋلا ءتىسى كۇشىنەن 10 ەسە كوپ بولعان.