قىرعىزستان استاناسىنىڭ مەرى ۇستالدى

بىشكەك. قازاقپارات - بىشكەك مەرى البەك يباريموۆ ۇستالدى، دەپ حابارلايدى كابار اگەنتتىگى مەملەكەتتىك ۇلتتىق قاۋىپسىزدىك كوميتەتىنىڭ باسپا ءسوز قىزمەتىنە سىلتەمە جاساپ.

 ۆەدومستۆونىڭ مالىمەتىنشە، ا. يبرايموۆ 19 - شىلدە كۇنى ۇستالىپ، م ۇ ق ك- ءنىڭ باس تەرگەۋ باسقارماسىنا جەتكىزىلگەن.

ا. يبرايموۆ ءوزىنىڭ قاتىسۋىمەن تەرگەۋ امالدارىن جۇرگىزۋ ءۇشىن بىرنەشە رەت شاقىرىلعان. ءبىراق ول تەرگەۋشىنىڭ شاقىرۋىن ەلەمەي، ەگەر م ۇ ق ك ۇستاماق بولسا، قارۋلى قارسىلىق كورسەتەتىنىن ايتقان.

وسى كۇندەرى قىرعىزستاننىڭ م ۇ ق ك باس تەرگەۋ باسقارماسى ءبىرقاتار قىلمىستىق ىستەردى تەرگەپ جاتىر. تەرگەۋ بارىسىندا ا. يبرايموۆتىڭ ولارعا قاتىسى بارى تۋرالى ناقتى مالىمەتتەر انىقتالعان.

ەسكە سالا كەتەيىك، 13 - شىلدە كۇنى بىشكەك قالالىق كەنەش دەپۋتاتتارى قالا مەرى البەك يبرايموۆكە سەنىمسىزدىك ۆوتۋمىن ءبىلدىرىپ، وتستاۆكاعا كەتۋىن تالاپ ەتكەن بولاتىن.