ەلباسى ۇكىمەت باسشىسىنا اۋداندىق جولدارعا كوڭىل ءبولۋدى تاپسىردى

None
None
استانا. قازاقپارات - قازاقستان پرەزيدەنتى نۇرسۇلتان نازاربايەۆ پرەمەر- مينيستر باقىتجان ساعىنتايەۆقا ەل اۋداندارىنداعى جولدارعا نازار اۋدارۋدى جۇكتەدى، دەپ حابارلايدى قازاقپارات ءتىلشىسى.

«ءبىز رەسپۋبليكالىق ماڭىزى بار جولداردى سالىپ جاتىرمىز، ال ەگەر اۋدانداردىڭ اراسىندا جول بولماسا، ادامدار ونى سەزىنبەيدى»، - دەدى نۇرسۇلتان نازاربايەۆ ۇكىمەت باسشىسىن قابىلداۋ كەزىندە.

ەلباسى اسىعۋدى تالاپ ەتپەيتىن كەيبىر جوبالاردى كەيىنگە قالدىرىپ، ءبىرىنشى كەزەكتە اۋداندار مەن كەنتتەردىڭ ىشىندەگى جولدارعا كۇش سالۋ قاجەتتىگىن باسا ايتتى.

سونداي- اق مەملەكەت باسشىسى باسقا ماسەلەلەرگە دە نازار اۋداردى. پرەزيدەنتتىڭ ايتۋىنشا، شاعىن جانە ورتا بيزنەسكە ايتارلىقتاي كومەك بەرىلىپ جاتىر. «سوڭعى كەزدەرى ءبىز شاعىن جانە ورتا بيزنەس ءۇشىن قاجەتتىنىڭ ءبارىن جاساپ بەردىك، سوندا دا ونىڭ كولەمى ارتپاي وتىر. ەنجار جۇمىس ىستەپ جاتىرمىز. بارلىق جەردە»، - دەدى ول.

«زاڭداردىڭ ۇستەمدىگى تۋرالى ايتتىق، زاڭداردى وزگەرتتىك، ءبارىن جاسادىق. مەملەكەتتىك قىزمەتكە تاڭداۋ ءتارتىبىن وزگەرتتىك، ال مەملەكەتتىك قىزمەتشىلەردىڭ ادامدارعا، قاراپايىم حالىققا دەگەن كوزقاراسى وزگەرمەي وتىر. سوندىقتان نەلىكتەن جۇمىس جۇرمەي جاتقانىن ءبارىمىز بىرگە ويلانۋىمىز قاجەت. بارلىعى بار، قارجى بەلگىلەنگەن. ەگەر قازىر تۇرعىن ءۇي قۇرىلىسى، بەس الەۋمەتتىك باستاما بويىنشا دا وسىلاي بولسا، بۇل تىم جامان بولادى»، - دەپ قاداپ ايتتى نۇرسۇلتان نازاربايەۆ.

«قابىلدانعان شەشىمدەردىڭ ناقتى ورىندالۋى جانە ۇكىمەت تاراپىنان ماسەلەلەردىڭ شەشىمىن باقىلاۋ تۇرعىسىنان ءبىرشاما سۇراقتار بار»، - دەدى پرەزيدەنت.

ەسكە سالا كەتەيىك، قازاقستان پرەزيدەنتى پرەمەر- مينيستر باقىتجان ساعىنتايەۆتى قابىلدادى. كەزدەسۋدە ۇكىمەتتىڭ 2018 -جىلعى ءبىرىنشى جارتىجىلدىقتا اتقارعان جۇمىستارىنىڭ قورىتىندىلارى، مەملەكەتتىك جانە سالالىق باعدارلامالاردىڭ ىسكە اسىرىلۋ بارىسى تالقىلاندى.

سوڭعى جاڭالىقتار