ارىستانبەك مۇحامەدي ۇلى دەنيس تەن تۋرالى: بارلىعى ونى جاقسى كورۋشى ەدى

استانا. قازاقپارات - ق ر مادەنيەت جانە سپورت ءمينيسترى ارىستانبەك مۇحامەدي ۇلى دەنيس تەننىڭ قايتىس بولۋىنا بايلانىستى كوڭىل ايتتى، دەپ حابارلايدى قازاقپارات.

«دارىندى مانەرلەپ سىرعاناۋشى، ءبىزدىڭ سپورتىمىزدىڭ اڭىزى دەنيس تەن، دارىگەرلەردىڭ بارىن سالعانىنا قاراماستان، قايتىس بولدى. ونىڭ جاسى ەندى عانا 25-كە تولعان ەدى. بۇل اسا قورقىنىشتى ءارى ادىلەتسىزدىك. اتا- اناسى قاسىرەتكە باتتى، دەنيستى تانيتىنداردىڭ ءبارى قايعىرىپ وتىر. بارلىعى دا ونى جاقسى كورۋشى، قۇرمەتتەۋشى ەدى.

وسىدان ءبىر اي بۇرىن عانا استانادا «دەنيس تەن جانە ونىڭ دوستارى» اتتى مۇزدى شوۋى ءوتتى. وعان الەمنىڭ ءتۇرلى ەلدەرىنەن مانەرلەپ سىرعاناۋشى جۇلدىزدار جانە اتاقتى جاتتىقتىرۋشى تاتيانا تاراسوۆا كەلدى. دەنيستىڭ مۇزدى شوۋ استانانىڭ 20 جىلدىعىنا ارنالدى.

ال بۇگىن ءبىزدىڭ «التىن بالا» دەنيس باۋكەسپە ۇرىلاردىڭ قولىنان قازا تاپتى. ولار دەنيستىڭ اۆتوموبيلىنىڭ تەرەزەسىن ۇرلاماق بولىپ، سانىنا پىشاق سۇعىپ العان. دەنيس كوپ قان جوعالتتى. شۇعىل وتا جاسالدى، دارىگەرلەر كونسيليۋم وتكىزدى. دەنيستىڭ ءومىرىن عاجايىپ كۇش ساقتاپ قالار ەدى. ءبىز سوڭعى ساتتەرگە دەيىن سول عاجاپقا سەندىك. وكىنىشكە قاراي، بۇلاي بولماي شىقتى، - دەپ جازدى مينيستر ءوزىنىڭ فەيسبۋكتەگى پاراقشاسىندا.

سونداي- اق مينيستر، دەنيستىڭ تۋعان- تۋىستارىنا كوڭىل ايتتى.

«ارينە، دەنيستىڭ اتا- اناسىنا قولدان كەلگەنشە كومەكتەسەمىز، ءبىراق ولاردىڭ ۇلىن قايتارىپ بەرە المايمىز.

 ولاردىڭ قايعىسىنا ورتاقتاسىپ، كوڭىل ايتامىز. ءوتىنىش، قايعىعا بەرىلمەڭىزدەر. اسا قايعىلى جاعداي. ورنى تولماس وكىنىش. يماندى بولسىن»، - دەدى ارىستانبەك مۇحامەدي ۇلى.

اۆتور: نۇرلان تۇياقوۆ