دارىگەرلەر دەنيس تەندى نەلىكتەن امان الىپ قالا الماعاندىعىن ءتۇسىندىردى

الماتى. قازاقپارات - الماتىلىق دارىگەرلەر پىشاق جاراقاتىن العان دەنيس تەندى امان الىپ قالۋعا بارىن سالدى. الايدا، سپورتشى اۋرۋحاناعا جەتكىزىلگەندە كلينيكالىق ولىمدە بولعاندىقتان، ونى قۇتقارۋ مۇمكىن بولمادى.

بۇل تۋرالى الماتى ورتالىق كلينيكالىق اۋرۋحاناسى باس دارىگەرىنىڭ مىندەتىن اتقارۋشى ەرجان قۇتتىعوجين ايتتى، دەپ حابارلايدى قازاقپارات ءتىلشىسى.

«دەنيس تەن اۋرۋحانا جەتكىزىلگەندە كلينيكالىق ولىمدە بولدى. جەدەل جاردەم كولىگىندە جۇرەك پەن وكپەگە رەانيماتسيالىق ارەكەتتەر جۇرگىزىلدى. رەانيماتسيالىق شارالار اۋرۋحانادا دا 2,5 ساعات جالعاستى. پاتسيەنت تولىعىمەن وتاعا دايىن بولدى. ءبىراق، ەس- ءتۇسسىز جاتقاندىقتان، كلينيكالىق ولىمدە بولعاندىقتان، وتاعا دەيىن جەتكەن جوق. وكىنىشكە وراي، ول 17:30-دا قايتىس بولدى»، - دەدى ەرجان قۇتتىعوجين.

ايتا كەتۋ كەرەك، قالالىق ءى ءى د باسپا ءسوز قىزمەتىنىڭ حابارلاۋىنشا، وقيعا قۇرمانعازى بايسەيىتوۆا كوشەلەرىنىڭ قيىلىسىندا بۇگىن تۇسكى ساعات 15:00 شاماسىندا بولعان. سپورتشى كولىگىنىڭ ايناسىن ۇرلاماق بولعان ەكى ادامنىڭ ۇستىنەن تۇسكەن. ارادا باستالعان جانجالدىڭ سالدارىنان ۇرىلار دەنيس تەنگە پىشاق سۇعىپ العان.

سپورتشى وڭ جاق سانىنىڭ جوعارعى تۇسىنان جاراقات العان.

اۆتور: گۇلميرا عوسمانالي