دەنيس تەندى نە ءۇشىن پىشاقتاعانى انىقتالدى

الماتى. قازاقپارات - دەنيس تەندى كىمدەر پىشاقتاپ كەتكەنى بەلگىلى بولدى، دەپ حابارلايدى قازاقپارات ءتىلشىسى.

قالالىق ءى ءى د باسپا ءسوز قىزمەتىنىڭ حابارلاۋىنشا، وقيعا قۇرمانعازى بايسەيىتوۆا كوشەلەرىنىڭ قيىلىسىندا تۇسكى ساعات 15:00 شاماسىندا بولعان.

«سپورتشى كولىگىنىڭ ايناسىن ۇرلاپ بارا جاتقان ەكى ادامنىڭ ۇستىنەن تۇسكەن. ەكى ارادا باستالعان جانجالدىڭ ناتيجەسىندە الگى ادامدار دەنيس تەندى پىشاقتاپ كەتكەن. قازىر كۇدىكتىلەر ىزدەستىرىلىپ جاتىر. اتالعان دەرەك بويىنشا سوتقا دەيىنگى تەرگەۋ جۇمىستارى باستالدى. بۇل جۇمىسقا بارلىق ءى ءى د قۇرامى جۇمىلدىرىلدى»، - دەدى قالالىق ءى ءى د باسپا ءسوز قىزمەتىنەن.

ال دارىگەرلەردىڭ ايتۋىنشا، دەنيس تەن اۋرۋحاناعا وتە اۋىر جاعدايدا تۇسكەن.

«19 - شىلدە كۇنى ساعات 14:56-دە جەدەل جاردەم ستانساسىنا دەنيس تەندى پىشاقتاپ كەتتى دەگەن حابارلاما ءتۇستى. وقيعا ورنىنا شۇعىل تۇردە دارىگەرلەر جەتتى. پاسيەنت ورتالىق كلينيكالىق اۋرۋحاناعا شۇعىل جەتكىزىلدى. ول وڭ جاق سانىنىڭ جوعارعى تۇسىنان جاراقات العان»، - دەيدى دارىگەرلەر.

اۆتور: گۇلميرا  عوسمانالي