عالىمدار كەشكى استى كەشىكتىرىپ ءىشۋدىڭ قاۋىپتى ەكەنىن انىقتادى

None
None
نۇرسۇلتان. قازاقپارات - ۇيقىعا دەيىن ەكى ساعات بۇرىن تاماقتانۋ ادەتى ءسۇت بەزىنىڭ قاتەرلى ىسىگىنە جانە وبىر دەرتىنىڭ دامۋىنا اكەلۋى مۇمكىن.

زەرتتەۋ جۇرگىزگەن بارسەلوناداعى عالامدىق دەنساۋلىق ساقتاۋ ينستيتۋتىنىڭ زەرتتەۋشىلەرى وسىنداي قورىتىندىعا كەلدى.

عالىمدار جۇرگىزگەن زەرتتەۋدىڭ قورىتىندىسى International Journal of Cancer باسىلىمىندا جاريالاندى.

زەرتتەۋشىلەر ءسۇت بەزى قاتەرلى ىسىگىنە شالدىققان 205 ايەلدىڭ جانە وبىر دەرتىنەن زارداپ شەگەتىن 621 ەر ادامداردىڭ دەرەكتەرىن تالدادى. سونداي-اق، زەرتتەۋگە قاتەرلى ىسىككە شالدىقپاعان، الايدا تاجىريبەگە ءوز ەرىكتەرىمەن قاتىسۋعا نيەت بىلدىرگەن باقىلاۋ توبى دا قاتىستى. ولارعا ۇيقى جانە تاماقتانۋ ءتارتىبى تۋرالى سۇراق قويىلدى.

ماماندار ءسۇت بەزى قاتەرلى ىسىگىنە جانە وبىر دەرتىنە كوبىنەسە ۇيىقتاۋعا ەكى ساعات قالعاندا تاماقتاناتىن ادامداردىڭ شالدىعاتىنىن انىقتادى.

عالىمداردىڭ پىكىرىنشە، بۇل اۋرۋلار كوپ جاعدايدا اۋىتقۋلارى دەنەنىڭ تاۋلىكتىك ىرعاقتارىنا تاۋەلدى گورمونداردىڭ بەلسەندىلىگىنە بايلانىستى. ال كەشكى استى كەشىكتىرىپ ءىشۋ قاتەرلى ىسىكتى دامىتۋدىڭ العاشقى سەبەبى بولماق.


سوڭعى جاڭالىقتار