چەمپيوندار ليگاسىندا «استانا» قانشا تابىس تاپتى؟
قازاقستاندىق كوماندا ءوز الاڭىندا 1:0 (مۇرتازايەۆ) ەسەبىمەن، ال قوناقتا - 2:0 (دەسپوتوۆيچ، مۋجيكوۆ) ەسەبىمەن جەڭدى. «استانا» ءبىرىنشى ىرىكتەۋ كەزەڭىنە قاتىسقانى ءۇشىن ۋ ە ف ا- دان 280 مىڭ ەۋرو، ال ەكىنشىگە شىققانى ءۇشىن - تاعى 380 مىڭ ەۋرو الدى. وسىلايشا، كلۋبتىڭ 2018/19-ماۋسىمىنداعى ناقتى تابىسى ءدال قازىر 660 مىڭ ەۋرونى قۇراپ وتىر.
«استانا» وتكەن ماۋسىمدا چەمپيوندار ليگاسىنىڭ پلەي-وفف راۋندىنا دەيىن جەتتى، الايدا شوتلانديالىق «سەلتيكتەن» جەڭىلىپ، تۋرنيردەن شىعىپ قالعان بولاتىن. كەيىن قازاقستاندىق كلۋب ەۋروپا ليگاسىنىڭ توبىنا كىرىپ، ەكىنشى ورىنعا يە بولدى جانە پلەي-وففقا شىقتى.
«استانا» 1/16 فينالدا پورتۋگالدىق «سپورتينگكە» ەسە جىبەردى. كلۋب 2017/18-ەۋروماۋسىمىندا تەلەارنالىق جانە ماركەتينگتىك قۇقىق ساتىلىمىن قوسپاعاندا، 8,18 ميلليون ەۋرو الدى.