تۇركياداعى توتەنشە جاعداي رەجيمى توقتاتىلدى

انكارا. قازاقپارات - تۇركيادا توتەنشە جاعداي رەجيمى توقتاتىلدى. اتالمىش رەجيم جەرگىلىكتى ۋاقىتپەن تۇنگى ساعات 01:00 دە رەسمي اياقتالدى، دەپ حابارلايدى «انادولۋ» اگەنتتىگى.

تۇركيادا توتەنشە جاعداي العاش رەت ءۇش اي مەرزىمگە 2016-جىلدىڭ 21- شىلدەسىندە ەلدە توڭكەرىس جاساۋدىڭ الدىن الۋ ءۇشىن جاسالعان ەدى. تۇركيادا ت ج رەجيمى جەتى رەت ءۇش اي مەرزىمگە سوزىلعان ەدى.

تۇركيا رەسپۋبليكاسى كونستيتۋتسياسىنا سايكەس، ت ج رەجيمىنىڭ مەرزىمى اياقتالعانعا دەيىن ەل ۇكىمەتى ونى ۇزارتۋ قاجەتتىگى تۋرالى پارلامەنتكە حابارلاما جىبەرمەگەن جاعدايدا، توتەنشە جاعداي توقتاتىلادى.

گيۋلەن اعىمىنداعى تۇركيا ق ك اسكەري قىزمەتشىلەر توبى 2016-جىلدىڭ 15 نەن 16- شىلدەگە قاراعان ءتۇنى ەل بيلىگىن قارۋمەن جاۋلاپ الۋعا ارەكەت جاسادى. حۋنتالاردىڭ ارەكەتىنە مەملەكەت باسشىلىعى مەن قۇقىق قورعاۋ ارەكەتىنىڭ، سونداي-اق قاتارداعى ازاماتتار ارقاسىندا توسقاۋىل قويىلدى. 250 ادام قازا تاپتى.