ماسكەۋدە بانككە قارۋلى شابۋىل جاسالدى

ماسكەۋ. قازاقپارات - ماسكەۋدە لەنينگراد داڭعىلىندا ورنالاسقان بينبانك وفيسىنە بەلگىسىز بىرەۋلەر قارۋلى شابۋىل جاساپ، اقشا ۇرلاپ كەتكەن.

ت ا س س اگەنتتىگىنىڭ بانكتىڭ باسپا ءسوز قىزمەتىنە سىلتەمە جاساپ حابارلاۋىنشا، ەشكىم زارداپ شەكپەگەن.

«لەنينگراد داڭعىلىندا ورنالاسقان بينبانك وفيسىنە قارۋلى شابۋىل جاسالدى، سالدارىنان ەكى قىلمىسكەر كاسسادان اقشا ۇرلاپ اكەتتى. بانك بولىمشەسىنىڭ قىزمەتكەرلەرى مەن ماماندارى اراسىندا زارداپ شەككەندەر جوق. بينبانك قاۋىپسىزدىك قىزمەتى پوليتسيامەن بىرگە وقيعا ورنىندا جۇمىس ىستەپ جاتىر»، - دەيدى بانك وكىلى.

ول قانشا اقشانىڭ قولدى بولعانىن ايتقان جوق. «موسكۆا» اگەنتتىگىنىڭ اتاپ وتۋىنشە، قىلمىسكەرلەر تاپانشامەن قارۋلانعان.