چەمپيوندار ليگاسى: «استانا» جەڭىستى جولىن جالعاستىردى
سوڭعى جىلداردا «استانا» ەۋروكۋبوك ويىندارىندا ءساتتى ويىن كورسەتۋدە. 2015-جىلدان بەرى چەمپيوندار ليگاسىندا سىنعا ءتۇسىپ كەلەدى. ءبىر مارتە چەمپيوندار ليگاسىنىڭ توپتىق كەزەڭىنە شىقسا، قالعان ەكەۋىندە پلەي-وفف كەزەڭىنە دەيىن جەتتى. سونىڭ ناتيجەسىندە ەكى جىل قاتارىنان ەۋروپا ليگاسىنىڭ توپتىق كەزەڭىندە ەل نامىسىن قورعادى. ەندەشە، قازاقستاندىق جانكۇيەرلەر ءوز كومانداسىنان جىلداعىداي جوعارى ناتيجە كۇتەتىنى راس.
بۇل ناتيجەنىڭ بارلىعى بولگار مامانى ستانيمير ستويلوۆتىڭ قاجىرلى ەڭبەگىنىڭ ارقاسىندا. ول بيىل ەلىمىزدىڭ ۇلتتىق قۇراماسى تىزگىنىن ۇستاعانىن كوپشىلىك جاقسى بىلەدى. ونىڭ ورنىنا ۋكراين مامانى رومان گريگورچۋك كەلدى. ءبىز بۇل جايىندا بۇگىنگى كەزدەسۋ جونىندەگى شولۋ بارىسىندا كەڭىرەك توقتالعان بولاتىنبىز.
ەندى ويىن بارىسىنا كەلسەك، العاشقى كەزدەسۋ 1:0 ەەبىمەن ەلوردالىق كلۋبتىڭ جەڭىسىمەن اياقتالدى. سوندىقتان بۇل ماتچ تارتىستى وتەتىنى ايقىن ەدى. استانا ۋاقىتىمەن 00.00 دە باستالعان كەزدەسۋدە قارسىلاستار ءبىزدىڭ كوماندا قاقپاسى ماڭىنا لاپ قويعان ەدى. ءبىر ساتتە «استانا» قاقپاشىسى نەناد ەريچ تونگەن قاۋىپكە لايىقتى تويتارىس بەرە ءبىلدى. دەگەنمەن ءبىزدىڭ جىگىتتەر ولاردىڭ قارقىنىن تەزىرەك باسا ءبىلدى. «سۋتەسكا» باس باپكەرى نيكولا راكويەۆيچ ءوز شاكىرتتەرى اراسىنان ۆلادان گيلەن، داركو بۋلاتوۆيچ، ستەفان تسيتسميل، نەمانيا نەديچ، ماركو چەتكوۆيچ، ستەفان لونچار، ستەفان ستەفانوۆيچ، ميلوش ۆۋچيچ، ماركو ۆۋچيچ، لۋكا مەردوۆيچ، شالەتا كورديچ سىندى فۋتبولشىلارعا سەنىم ارتتى. ال رومان گريگورچۋك العاشقى مينۋتتان «استانا» ساپىندا نەناد ەريچ، انتونيو رۋكاۆينا، مارين انيچيچ، ەۆگەني پوستنيكوۆ، دميتري شومكو، لاسلو كلياينحايسلەر، سەرىكجان مۋجيكوۆ، مارين توماسوۆ، يۆان مايەۆسكي، دجوردجە دەسپوتوۆيچ، رومان مۋرتاازيەۆتى شىعاردى. «استانا» فتبولشىلارى ويىن بارىسىندا كوبىرەك دوپقا يەلىك ەتتى. 6-مينۋتتا «سۋتەسكا» ساپىنان ماركو ۆۋچيچ قاقپا بۇرىشىنا باسپەن ۇرعان ەدى. بۇل ساتتە نەناد ەريچ ورنىنان تابىلدى. ال 8-مينۋتتا استانالىق جارتىلاي قورعاۋشى لاسلو كلياينحايسلەر الىستان دوپ تەۋىپ، قارسىلاس كوماندا قاقپاشىسىنىڭ شەبەرلىگىن تەكسەرىپ كوردى. كەزدەسۋدىڭ 23-مينۋتىندا مارين توماسوۆ گول سوققان ەدى. ونى پورتۋگاليالىق باس تورەشى جواۋ پەدرۋ پينەيرۋ وفسايدتان سوعىلعان دەپ ەسەپتەمەي قويدى. ودان كەيىنگى ساتتەردە قوس كوماندا دا شابۋىل شەبىنە شىعىپ، قاقپاعا گول سوعۋ مۇمكىندىگىن ىزدەدى.
«استانا» ءوزىنىڭ دەگەنىنە 38-مينۋتتا جەتتى. «سۋتەسكا» قاقپاسى ماڭىندا ءبىزدىڭ جىگىتتەر شابۋىل ۇيىمداستىردى. «استانا» شابۋىلشىسى دجوردجە دەسپوتوۆيچ چەرنوگوريالىق قورعاۋشىنى الداپ، قاقپاعا ءدال باعىتتادى. ال «سۋتەسكا» قاقپاشىسىمەن بەتپە-بەت شىققان مارين توماسوۆ دوپتى ونىڭ ۇستىنەن اسىرىپ جىبەرۋگە نيەتتەندى. اسىرا تەپكەن دوبى قاقپادان جىراق كەتتى.
ەكىنشى كەزەڭ نەگىزىنەن «استانا» باسىمدىعىمەن ءوتىپ جاتتى. 65-مينۋتتا ولار ەسەپتى ۇستەمەلەي ءتۇستى. ەلوردالىق كلۋب فۋتبولشىلارى شابۋىل ۇيىمداستىردى. بۇل ساتتە سەرىكجان مۋجيكوۆ مەرگەندىك تانىتىپ، ەسەپتى 2:0-گە جەتكىزدى. ال 67-مينۋتتا «سۋتەسكا» دا ەسەپتى قىسقارتۋعا مۇمكىندىك العان ەدى. ونى الاڭ يەلەرى ءوز پايداسىنا جاراتا العان جوق. ويىن وسى ەسەپپەن اياقتالدى.
«استانا» جارىستىڭ كەلەسى كەزەڭىندە دانيانىڭ «ميدتيۋللانن» كلۋبىمەن كەزدەسەدى. بۇل ويىندارى 24- شىلدە جانە 1- تامىز كۇندەرى بولادى.
19-شىلدەدە ەۋروپا ليگاسى ءبىرىنشى ىرىكتەۋ كەزەڭىنىڭ قارىمتا كەزدەسۋى وتەدى. الماتىنىڭ «قايراتى» اندوررانىڭ «ەنگوردان»، پاۆلوداردىڭ «ەرتىسى» ليتۆانىڭ «تراكاي»، قوستانايدىڭ «توبىلى» گرۋزيانىڭ «سامترەديا» كلۋبتارىن ءوز الاڭدارىندا قابىلدايدى. بارلىق كەزدەسۋ «Qazsport» تەلەارناسىنان كورسەتىلەدى.