ۇكىمەت باسشىسى استانانى جانە اتىراۋ وبلىسىن دامىتۋ ماسەلەلەرى جونىندە كەڭەس وتكىزدى

استانا. قازاقپارات - كەشە ۇكىمەت ۇيىندە ق ر پرەمەر-ءمينيسترى باقىتجان ساعىنتايەۆ قازاقستاننىڭ ءۇشىنشى جاڭعىرۋىن جوبالىق باسقارۋ اياسىندا وسىعان دەيىن اتقارىلعان جۇمىستاردىڭ جاي-كۇيى جونىندە كەڭەس، دەپ حابارلايدى primeminister.kz.

كەڭەس بارىسىندا اتىراۋ وبلىسى جانە الماتى قالاسى اكىمدىكتەرىنىڭ جوبالىق باسقارۋ باعىتتارى تۇرعىسىنان باستامالار بويىنشا ءىس-شارالاردى ورىنداۋ جانە ينديكاتورلارعا قول جەتكىزۋ ماسەلەلەرى تالقىلاندى.

اتاپ ايتقاندا، كولىك جانە لوگيستيكانى، اوك، وتىن- ەنەرگەتيكا كەشەنىن، تۋريزمدى، ساۋدانى، ءبىلىم بەرۋ، دەنساۋلىق ساقتاۋ سالالارىن، جاپپاي كاسىپكەرلىكتى دامىتۋ، يندۋستريالاندىرۋدى جۇرگىزۋ، ەكونوميكا سالالارىن سيفرلاندىرۋ جانە اكت سالالارىن دامىتۋ، ينۆەستيتسيالاردى تارتۋ جانە ءونىمدى جۇمىسپەن قامتاماسىز ەتۋ بويىنشا 2018-جىلدىڭ ەكىنشى جارتىسىنا ارنالعان جوسپارلار مەن العاشقى التى ايداعى جوبالار پورتفەلدەرىن ىسكە اسىرۋ جۇمىستارىنىڭ الدىن-الا قورىتىندىلارى قارالدى.

ءوز سوزدەرىندە اتىراۋ وبلىسىنىڭ اكىمى ن. نوعايەۆ پەن استانا ق. اكىمى ءا. يسەكەشەۆ ءوڭىردىڭ جانە استانانىڭ نەگىزگى الەۋمەتتىك-ەكونوميكالىق كورسەتكىشتەرى تۋرالى باياندادى. ەكونوميكالىق ءوسىمنىڭ جاڭا مودەلىن قالىپتاستىرۋ ماسەلەسىنە ەرەكشە كوڭىل ءبولىندى.

كەڭەسكە ق ر پرەمەر-ءمينيسترىنىڭ ورىنباسارى ە. دوسايەۆ، ۇلتتىق ەكونوميكا ءمينيسترى ت. سۇلەيمەنوۆ، ەنەرگەتيكا ءمينيسترى ق. بوزىمبايەۆ، دەنساۋلىق ساقتاۋ ءمينيسترى ە. ءبىرتانوۆ، ەڭبەك جانە حالىقتى الەۋمەتتىك قورعاۋ ءمينيسترى م. ءابىلقاسىموۆا قاتىستى. سونداي-اق، بەينەكونفەرەنتسيا بايلانىسى ارقىلى ينۆەستيتسيالار جانە دامۋ ءمينيسترى ج. قاسىمبەك، مادەنيەت جانە سپورت ءمينيسترى ا. مۇحامەدي ۇلى، اقپارات جانە كوممۋنيكاتسيالار ءمينيسترى د. ابايەۆ، اۋىل شارۋاشىلىعى ۆيتسە-ءمينيسترى گ. يسايەۆا، ءبىلىم جانە عىلىم ۆيتسە-ءمينيسترى ب. اسىلوۆا قاتىستى.