07:51, 19 - شىلدە 2018 | GMT +6
حورۆاتيالىق فۋتبولشىلار ءا چ- داعى تابىسىن قايىرىمدىلىققا بەرەتىنى جالعان بولىپ شىقتى
استانا. قازاقپارات - فۋتبولدان حورۆاتيا ۇلتتىق قۇراماسىنىڭ مۇشەلەرى 2018-جىلعى الەم چەمپيوناتىنان تاپقان تابىستارىن تۇگەل قايىرىمدىلىققا اۋداراتىنى تۋرالى اقپارات جالعان بولىپ شىقتى، دەپ حابارلايدى قازاقپارات ءتىلشىسى.
ەسكە سالا كەتەيىك، حورۆاتيا ۇلتتىق قۇراماسى مۋنديالدان العان سىياقىلارىن قايىرىمدىلىققا اۋداراتىنى تۋرالى ايتىلعان بولاتىن. بۇل تۋرالى حورۆاتيالىقتاردىڭ باس باپكەرى زلاتكو داليچ فەيسبۋكتە جازدى.
ءبىراق كەيىننەن انىقتالعانداي، زلاتكو داليچ بۇل اقپاراتتان حاباردارسىز بولىپ شىقتى. شەتەلدىك ب ا ق- تىڭ مالىمەتىنشە، فەيسبۋكتەگى حاتتى ز. داليچتىڭ اتىنان حورۆاتيالىق جۋرناليست يگور پريمۋجيچكە جازعان.
جۋرناليستىڭ ءوزى فەيسبۋكتەگى پاراقشاسىندا حاتقا باپكەردىڭ ەشقانداي قاتىسى جوق ەكەنىن، ونى ەلدەگى احۋالعا جانى اشيتىن وتان سۇيگىش رەتىندە كوز الدىنا ەلەستەتىپ، ءوزى جازىپ شىققانىن مالىمدەدى.
ءبىراق حورۆاتيا ۇلتتىق قۇراماسىنىڭ باس باپكەرى زلاتكو داليچ بۇعان قاتىستى ازىرگە رەسمي مالىمدەمە جاساعان جوق.