قازاقستاندىقتار بارلىق كىرىستەرى مەن مۇلكى تۋرالى ەسەپ بەرەدى
بۇل تۋرالى ق ر قارجى مينيسترلىگى مەملەكەتتىك كىرىستەر كوميتەتى ءتوراعاسىنىڭ ورىنباسارى ءمادي تاكيەۆ ۇكىمەت ۇيىندە وتكەن باسپا ءسوز ءماسليحاتىندا ەسكە سالدى.
ونىڭ ايتۋىنشا، دەكلاراتسيادا جەكە تۇلعا مەنشىك قۇقىعى بار مۇلىكتەردى، ونىڭ ىشىندە پاتەرلەر، كولىكتەر، بانكتەگى سالىمدارىن جانە 2019-جىلدىڭ 31- جەلتوقسانى جاعدايىندا تولەۋگە العان مىندەتتەمەلەرىن كورسەتۋى ءتيىس.
سونىمەن بىرگە، كوميتەت وكىلى دەكلاراتسيا تولتىرۋى قاجەت تۇلعالاردى ءۇش توپقا ءبولىپ كورسەتتى.
1. كامەلەتتىك جاسقا تولعان قازاقستاننىڭ بارلىق ازاماتتارى، ونىڭ ىشىندە ورالماندار مەن قازاقستاندا تۇرۋعا ىقتيارحات العاندار.
2. مۇلكى نەمەسە قاتىسۋ ۇلەسى بار كامەلەتتىك جاسقا تولماعاندار.
3. ق ر اۋماعىندا مۇلكى بار شەتەلدىكتەر.
«دەكلاراتسيادا ۇيدە ساقتاۋلى تۇرعان قولما-قول قاراجاتتى دا كورسەتۋ كەرەك. ەگەر قولما-قول اقشا كولەمى ەڭ تومەنگى جالاقى كولەمىنىڭ 500 ەسەسىنەن اسىپ كەتسە (ەڭبەك اقىنىڭ ەڭ تومەنگى مولشەرى - 28284 تەڭگە)، بانكتە ەسەپشوت اشىپ، قاراجاتتى سوندا ساقتاۋىڭىز كەرەك. سوسىن بانكتە وسىنداي قاراجاتىڭىز بار ەكەنىن كورسەتەسىز»، - دەپ ءتۇسىندىردى ءمادي تاكيەۆ.
كامەلەتتىك جاسقا تولماعان، ءبىراق تىركەۋدە تۇرعان مۇلكى بار تۇلعالار ءۇشىن دەكلاراتسيانى اتا-اناسى نەمەسە قامقورشىسى جەكە سايكەستىك ءنومىر ارقىلى تولتىرادى.
الدىن الا بولجام بويىنشا، 2020-جىلى قازاقستاندا شامامەن 12 ميلليون 900 مىڭ ادام دەكلاراتسيا تولتىراتىن بولادى. ونىڭ ىشىندە 7,4 ميلليون ادام - قالا تۇرعىندارى جانە 5,5 ادام - اۋىل تۇرعىندارى بولادى دەپ كۇتىلۋدە.
دەكلاراتسيانى تولتىرۋدىڭ ەكى مەرزىمى بەكىتىلگەن: قاعاز جۇزىندە ەسەپ بەرگىسى كەلگەندەر 15- شىلدەگە دەيىن، ال ەلەكتروندى تۇردە دەكلاراتسيا تولتىراتىندارعا - 15- قىركۇيەككە دەيىن ۋاقىت بەرىلەدى.