20:42, 18 - شىلدە 2018 | GMT +6
ساتبايەۆ قالاسىندا قارۋلانعان راديكالدى ءدىني توپ ۇستالدى
قاراعاندى وبلىسى. قازاقپارات - قاراعاندى وبلىسىندا راديكالدى ءدىني توپتىڭ ءىس-ارەكەتىنىڭ جولى كەسىلدى.
بۇل تۋرالى ق ر ۇلتتىق قاۋىپسىزدىك كوميتەتىنىڭ باسپا ءسوز قىزمەتىنەن ءمالىم ەتتى، دەپ حابارلايدى قازاقپارات.
«2018 -جىلعى 18 -شىلدەدە قازاقستان رەسپۋبليكاسى ۇلتتىق قاۋىپسىزدىك كوميتەتى قاراعاندى وبلىسىنىڭ ساتبايەۆ قالاسىندا راديكالدى ءدىني توپتىڭ ءىس-ارەكەتىنىڭ جولىن كەستى. ارنايى وپەراتسيا جۇرگىزۋ بارىسىندا توپتىڭ 3 مۇشەسى ۇستالىپ، ولاردان سۋىق قارۋ جانە ءدىني مازمۇنداعى ماتەريالدار الىندى. اتالعان تۇلعالارعا لاڭكەستىك توپ قۇردى جانە ونىڭ ارەكەتتەرىنە قاتىستى، سونداي-اق تەرروريزمدى ناسيحاتتادى دەگەن كۇدىك كەلتىرىلۋدە»، - دەلىنگەن تاراتىلعان حابارلامادا.
ءمالىم ەتىلگەندەي، اتالعان فاكتىلەر بويىنشا سوتقا دەيىنگى تەرگەپ-تەكسەرۋ امالدارى جۇرگىزىلۋدە. باسقا مالىمەتتەر تەرگەۋ مۇددەسىنە وراي جاريالانبايدى.