ەل مۇددەسى ءۇشىن قىزمەتتىك ۇشاعىن ساتقان پرەزيدەنت

None
None
استانا. قازاقپارات -  كۇنى كەشە عانا الاقانداي حورۆاتيانىڭ اياق دوپ شەبەرلەرى ايدى اسپاننان ءبىراق شىعارىپ، رەسەيدە وتكەن الەم چەمپيوناتىندا ەكىنشى ورىنعا يە بولعاندا جۇرتتىڭ ءبارى تاڭقالعانى راس.

سول كەزدە حورۆاتيانىڭ فۋتبوليستەرىنىڭ ويىنىن تاماشالاۋعا ەل پرەزيدەنتى كوليندا گرابار- كيتاروۆيچ حانىم ارنايى كەلىپ، مارتەبەلى مەيماندار وتىراتىن ورىنان باس تارتىپ، قاراپايىم حورۆاتتاردىڭ اراسىندا وتىرىپ ويىندى تاماشالاعانىن الەمدىك اقپارات قۇرالدارى جارىسا جازدى.



جالپى 2015 -جىلى اقپان ايىندا حورۆاتيا پرەزيدەنتى بولىپ سايلانعان كوليندا گرابار- كيتاروۆيچ حانىمنىڭ ءومىر جولىنا ۇڭىلسەڭىز، ونىڭ شىنىمەندە قارپايىم جان ەكەنىن اڭعارۋعا بولادى. وعان تومەندەگى مالىمەتتەر ايقىن مىسال بولا الادى.

1. كوليندا حانىم پرەزيدەنت بولىپ سايلانعاننان كەيىن پرەزيدەنتتىك ۇشاق پەن ۇكىمەت مۇشەلەرى مىنەتىن 35 مەرسەدەستى ساتىپ، بارلىق قارجىنى ەل دامۋىنا جۇمساعان.

2. ءوزىنىڭ، مينيسترلەردىڭ جانە ەلشىلەر مەن كونسۋلداردىڭ ايلىعىن 60 پايىزعا دەيىن قىسقارتقان.

3. كوليندا حانىم پرەزيدەنت بولىپ سايلانعاننان كەيىن از عانا ۋاقىتتىڭ ىشىندە حورۆاتياداعى ەڭ تومەنگى ايلىق 400 دوللاردان 540 دوللارعا كوتەرىلگەن.

4. ءبىلىم بەرۋ، مەديتسينا جانە الەۋمەتتىك سالاعا بولىنەتىن مەملەكەتتىڭ شىعىنى جىل سايىن 3 پايىزعا جوعارلادى.

5. ەڭ باستىسى حورۆاتيانىڭ جالپى ىشكى ءونىمى 22,47  پايىزعا وسكەنىن اتاپ ايتۋعا بولادى.

 حورۆاتيا - ەۋروپانىڭ وڭتۇستىك- شىعىسىندا، بالقان تۇبەگىندە ورنالاسقان مەملەكەت. اۋماعى  56538 كۆادرات كيلومەتر. حالقى 4,7 ميلليون (2001). ۇلتتىق مەيرامى - مەملەكەتتىلىك كۇنى، 30-مامىر (1990).

http://www.dalanews.kz

سوڭعى جاڭالىقتار