عالىمدار قولدان جاساندى ەت شىعارماق

None
None
 استانا. قازاقپارات - گوللاندىق ماماندارعا لابوروتوريادا وندىرىلگەن ەتتى وندىرىسكە شىعارۋ ءۇشىن قاراجات اۋدارىلدى.

شەتەلدىك مامانداردىڭ جۇمىسى ءۇشىن 10 ميلليون دوللار بەرىلدى. ەندى ولار گامبۋرگەر جاساۋ ءۇشىن جاساندى سيىر ەتىن شىعارادى. ەت 2021 -جىلدان باستاپ نارىققا شىعۋى مۇمكىن. ەتتى الدىمەن مەيرامحانالارعا وتكىزەدى.

جاساندى ەتتى جاساۋدىڭ ءادىسى وڭاي. سيىردىڭ بۇلشىق ەت تىنىنەن دىڭگەك جاسۋشالارىن جيناۋ ارقىلى جاسالادى. سودان كەيىن قالپىنا كەلتىرۋ قابىلەتى بار جاسۋشالار قورەكتىك زاتتارمەن ەرىتىندىدە ەگىلەدى. العاش مۇنداي ەتتى عارىشكەرلەر ءۇشىن جاساعان. كەيىننەن سۇرانىسقا تۇسە باستادى.

مامانداردىڭ ايتۋىنشا، مۇنداي ەتتى بولاشاقتا ادامدار ەرەكشە دەپ قابىلدامايتىن بولادى. لابوروتوريادا سيىر ەتىنەن بولەك تاۋىق ەتىنە ۇقساس ەت ونىدىرلەدى. جاساندى ەت وندىرىسكە شىعۋ ءۇشىن ارنايى سەرتيفيكاتسيادان وتەدى.

 

سوڭعى جاڭالىقتار