حورۆاتيا فۋتبولشىلارى ءا چ-نان العان بارلىق تابىستارىن قايىرىمدىلىققا اۋداردى
«قۇراما كوماندا جانە بارلىق ويىنشىلار الەم چەمپيوناتىنان العان اقشالاي سىياقىلارىنىڭ بارلىعىن حورۆاتيانىڭ بالالارعا كومەك ارنايى قورىنا تابىستايدى. بۇل قور حورۆاتيانىڭ ومىرىندە ادريات تەڭىزىن كورمەگەن الەۋمەتتىك جاعدايى تومەن وتباسىنان شىققان بالالاردىڭ جازعى دەمالىسىن تەڭىز جاعاسىندا وتكىزۋىن قارجىلاندىرادى (...) حورۆات بالالارى ەڭ بولماعاندا جەتى كۇن تەڭىز جاعاسىندا دەمالۋ مۇمكىندىگىنە يە. بۇل - فۋتبولشىلاردىڭ بالالار ءۇشىن ىستەي الاتىن امالدارىنىڭ ءبىرى. حورۆاتيانىڭ بارشا ازاماتتارىنا الەم چەمپيونى تيتۋلىن ەلگە اكەلۋ ءۇشىن قولدان كەلگەننىڭ ءبارىن ىستەيمىز دەپ ۋادە بەرەمىز»، - دەپ جازدى زلاتكو داليچ.
ايتا كەتەيىك، حورۆاتيا بالقان تۇبەگىندە ورنالاسقان ەل. باتىسى مەن وڭتۇستىك- باتىسىندا ادريات تەڭىزىمەن شەكتەسەدى.
ەسكە سالا كەتەيىك، الەم چەمپيوناتىندا كۇمىس جۇلدەگە يە بولعان حورۆاتياعا ف ي ف ا 28 ميلليون دوللار سىياقى بەرەتىنىن حابارلاعان ەدىك.
فرانسياعا قارسى وتكەن فينالدىق ويىن قارساڭىندا حورۆاتيانىڭ جارتىلاي قورعاۋشىسى انتە رەبيچ ءوز اۋىلداستارىنىڭ بارلىعىنىڭ نەسيەسىن جاۋىپ بەرگەن بولاتىن.