الماتى دارىگەرلەرى تۇڭعىش رەت قالقانشا بەزى ىسىگىن تىلىكسىز الدى

الماتى. قازاقپارات - الماتىدا «ا. سىزعانوۆ اتىنداعى ۇلتتىق عىلىمي حيرۋرگيالىق ورتالىعى» ا ق بازاسىندا بىرەگەي وتا جاسالدى. دارىگەرلەر تۇڭعىش رەت قالقانشا بەزىنىڭ ىسىگىن تىلىكسىز، اۋىز ارقىلى الىپ تاستادى، دەپ حابارلايدى قازاقپارات ءتىلشىسى.

65 جاستاعى پاتسيەنتتىڭ 7 جىل بۇرىن قالقانشا بەزىنىڭ ۇستىندە ىسىك پايدا بولعان. جىل وتكەن سايىن بۇل تۇينەمە ۇلكەيە تۇسكەن.

ماماندار ۋزد دياگنوستيكاسىنان سوڭ قالقانشا بەزىندە 1,2х2,2х3,0 س م كولەمدە تۇينەمە بارىن انىقتاعان.

ا. سىزعانوۆ اتىنداعى عىلىمي حيرۋگريالىق ورتالىعىنىڭ ماماندارى شەتەلدىك ساراپشىلاردىڭ قاتىسۋىمەن «قالقانشا بەزىنىڭ شاعىن ينفۆازيۆتى حيرۋرگياسى» شەبەرلىك كلاسىنىڭ اياسىندا ەلدە تۇڭعىش رەت ترانسورالدى تيرەويدەكتوميا جاسادى.

 شەبەرلىك ساعاتىن پروفەسسور مارتين شتريك (بەرلين، گەرمانيا) پەن مەديتسينا عىلىمدارىنىڭ كانديداتى انتون پاۆلوۆيچ پريشۆين (سانكت- پەتەربور، رەسەي) وتكىزدى.

«ايتا كەتۋ كەرەك، بۇل ءادىستىڭ ەرەكشەلىگى - تىلىكسىز جاسالعاندىعىندا. ياعني، ادامعا اۋىرسىنۋ سيندرومى از بولادى، ادام تەز ايىعادى. جارانى تىگۋ قاجەتى جوق»، - دەدى ماماندار.

وتا ءساتتى ءوتتى. قازىر پاتسيەنت بولىمشەگە شىعارىلدى.

اۆتور: گۇلميرا عوسمانالي