استاناداعى قوعامدىق كولىكتە جۇرگەندە قالاي اقشا ۇنەمدەۋگە بولادى؟
بۇل جولاۋشى اعىمىنىڭ ناقتى كورسەتكىشى مەن ودان تۇسكەن تابىستى ناقتى ەسەپتەۋگە مۇمكىندىك بەرەدى.
#1 نەگە قولما-قول تولەنگەن جولاقى قىمباتىراق؟ جولاقىنى كولىك كارتاسىمەن تولەۋ 90 تەڭگە، ال قولما-قول 180 تەڭگەگە جەتەدى. بۇل ەلوردا تۇرعىندارىن ەلەكتروندىق تولەم جۇيەسىن قولدانۋعا ىنتالاندىرادى جانە بيۋدجەتكە تۇسەتىن قارجى كوبەيەدى دەگەن ماقساتتا جاسالىپ وتىر. ال جۇرگىزۋشىلەردىڭ ادال جۇمىس ىستەۋى كولەڭكەلى اقشا اينالىمىنا توسقاۋىل بولادى دەپ كۇتىلەدى.
#2 قوعامدىق كولىكتە ءجيى جۇرۋدە قالاي اقشا ۇنەمدەۋگە بولادى؟ كولىك كارتاسىن قولدانۋدىڭ ارتىقشىلىعىن ەسكە سالعان ءجون. اقى تولەنگەننەن كەيىن 60 مينۋت تەگىن جۇرۋگە بولادى. ياعني، ءبىر اۆتوبۋستان كەلەسىنە كوشكەندە، 60 مينۋت ارالىعىندا جولاقىنى قايتارا تولەمەسە بولادى. بۇل جۇيە قالالىق باعىتتان قالالىققا، ەكپرەستەن ەكسپرەسكە (تۇلپار)، قالالىققا، ايماقتان قالالىق باعىتقا اۋىسقاندا جۇزەگە اسادى. بۇل ەرەكشەلىكتى نازارعا الساق، قالادا قوعامدىق كولىكپەن ءجۇرۋ قۇنى 45 تەڭگەگە تومەندەيدى.
#3 ءتاريفتى قالاي تاڭداۋعا بولادى؟ 16 -شىلدەدەن باستاپ قولدانۋشىعا ىڭعايلى بولۋى ءۇشىن «كولىك ءاميانى» جانە «اي سايىنعى جول ءجۇرۋ كارتاسىنان» باسقا بارلىق تاريف وڭايلاتىلدى. بۇل شارا كولىك كارتاسىن تولتىرۋ مەن قولدانۋعا ارنالعان. ەندى كارتا تولتىرعاندا تاريف تاڭداۋ جۇيەسى بولمايدى، كارتانى 100 دەن 5000 تەڭگەگە دەيىن قالاعان سوماعا تولتىرسا بولادى. تاريف بارلىق باعىتتا جۇمىس ىستەيدى - قالالىق، ەكسپرەسس جانە ايماقتىق.
«قالا/گورود»، «تۇلپار/ەكسپرەسس»، «ايماق/پريگورود I, II, III, IV تاريفتەرىن جۇكتەپ قويعان تۇرعىندار ونى قولدانۋدى جالعاستىرۋعا نەمەسە كارتادا اقشا بىتكەنشە پايدالانۋىنا بولادى. سونىمەن قاتار، قوعامدىق كولىكتى از قولداناتىندار ءۇشىن، اقشا تولتىرىلمايتىن جۇمساق كارتا بار. ونىمەن 10 رەت جۇرۋگە بولادى. جولاقى 90 تەڭگە كولەمىندە قالادى، 60 مينۋت ىشىندە تەگىن اۆتوبۋس الماستىرۋ قىزمەتى دە جۇمىس ىستەيدى.
#4 كولىك كارتاسىن قايدا جانە قالاي تولتىرۋعا بولادى؟ اۆتومات پەن ارنايى ج ش س «Astana LRT» كارستاسىنان بولەك، 21 -شىلدەدەن باستاپ كولىك كارتاسىن تەرمينال، قوسىمشالار ارقىلى جانە QIWI سايتىندا تولتىرۋعا بولادى.
ەسكە سالا كەتكەن ءجون، استانادا ەلەكتروندىق تولەم جۇيەسى offline رەجيمىندە جۇمىس ىستەيدى، دەرەكتەر 12 ساعات ىشىندە ىسكە قوسىلادى. وسىعان بايلانىستى QIWI ارقىلى تولتىرۋ دا 12 ساعات ىشىندە ىسكە اسادى. بۇعان قوسا شىلدەنىڭ سوڭىنا دەيىن كولىك-جول كارتاسىن ينتەرنەت-بانكينگ ارقىلى تولتىرۋ جۇيەسى ەنگىزىلەدى.
ولار: «سبەربانك» اق ، «ForteBank» ا ق، «بانك سەنتركرەديت» ا ق، «اتفبانك» ا ق، «نۇربانك» ا ق، «بانك Kassa Nova» ا ق، «ەۋرازيالىق بانك» ا ق، «Tengri Bank» (بۇرىنعى PNB) ا ق، «ۆتب بانك» (قازاقستان) ە ۇ ا ق، «الفا بانك» ا ق ە ۇ.
Kaz.tengrinews.kz