شىنجىرسىز جۇرەتىن ۆەلوسيپەد ويلاپ تابىلدى
مۇنداي ۆەلوسيپەدتىڭ ۇلگىسى Eurobike 2018 كورمەسىندە تانىستىرىلدى، - دەپ حابارلايدى N+1.
باسىلىمنىڭ مالىمەتىنشە، ۆەلوسيپەدتىڭ قۇرىلىمى 13-دەڭگەيلى اليۋميني-كومىر پلاستيك تولقىنمەن دايىندالعان. وسى ترانسميسسيا ارقىلى ارتقى دوڭگەلەكتەگى قوزعالىستى باعىتتاپ تۇراتىن ارتقى كاسسەتا اينالا الادى. ازىرلەۋشىلەردىڭ ايتۋىنشا، جاڭا ترانسميسسياداعى دوڭگەلەنۋ فۋنكسياسىنىڭ تيىمدىلىگى - 99 پايىز. جاڭا قۇرىلىم Driven دەپ اتالادى ەكەن.
بۇل قۇرىلىمدا تولقىننىڭ ءتۇر-ءتۇرى قامتىلعان، ياعني، كەز كەلگەن ادام جىلدامدىقتى قوسىپ نەمەسە ءوشىرىپ تاستاي الادى. ۆەلوسيپەدتىڭ باعىتتى ۇستاپ تۇراتىن الدىڭعى جانە ارتقى دوڭگەلەگى ىلگىشى بار ديسك تۇرىندە جاسالعان. ولار وتە تەگىس. ال جەتەكتەگى دوڭگەلەك 13 شىعىرشىقتان تۇرادى. الدىڭداعى جانە جەتەكتەگى ديسكتەر تولقىنمەن بايلانىستىرىلعان. ۆەلوسيپەدتىڭ الدىڭعى بولىگىندەگى تولقىن ديسكتىڭ ساقيناسى بار تۇراتىن تىرەكپەن جاسالعان.
سول ارقىلى ولار جەتەكتەگى ديسكپەن قوزعالىسقا تۇسەدى. ۆەلوسيپەدتىڭ ارتقى جاعىندا دا وسىنداي ديسك بار. وسى ديسك تولقىندارى ارقىلى ۆەلوسيپەد ءتۇرلى ساقينالارمەن ىلىنىسە الادى. باسىلىمنىڭ مالىمەتىنشە، Driven-دا 21 راديال مويىنتىرەك بار. وسى قۇرىلىمدى ويلاپ تابۋشىنىڭ ايتۋىنشا، ترانسميسسيا ءبىر مىڭنان اسا ۆات قۋات جۇمساۋعا باعىتتالعان.
سالىستىرىپ كورسەك، ادەتتەگى ۆەلوسيپەدتىڭ قۋاتى شامامەن 250 ۆات. ءبىراق، ايتۋلارىنشا، ازىرشە Driven باستاپقى تەستىلەۋدەن ءوتىپ جاتىر. ونىڭ ءالى قالاي جۇمىس ىستەيتىنى بەلگىسىز.