قازاقستاندا ەۋرازيا ساۋلەتشىلەر اكادەمياسىن قۇرۋ ۇسىنىلدى

استانا. قازاقپارات - استانادا وتكەن حالىقارالىق ساۋلەتشىلەر كونگرەسىندە ەۋرازيا ساۋلەتشىلەر اكادەمياسىن قۇرۋ باستاماسى كوتەرىلدى، دەپ حابارلايدى قازاقپارات ءتىلشىسى.

بۇل تۋرالى قازاقستان ساۋلەتشىلەر وداعىنىڭ پرەزيدەنتى سەرىك رۇستەمبەكوۆ حالىقارالىق كونگرەسس قورىتىندىسىنا ارنالعان باسپا ءسوز ءماسليحاتىندا ايتتى.

«حالىقارالىق كونگرەسس بارىسىندا ەۋرازيا ساۋلەتشىلەرىنىڭ ۇزدىك شىعارماشىلىق يدەيالارىن بىرىكتىرەتىن ەۋرازيا ساۋلەتشىلەر اكادەمياسىن قۇرۋ ۇسىنىلدى. ەۋرازيالىق يدەيانى ءبىزدىڭ پرەزيدەنتىمىز ۇسىنىپ، ەۋرازيالىق ەكونوميكالىق وداقتىڭ قۇرىلۋىندا كوپ ەڭبەك اتقارعان بولاتىن. ساۋلەتشىلەر دە بۇل پروتسەستىڭ بولشەگى رەتىندە ءوز اكادەمياسىن قۇرعىسى كەلەدى»، - دەدى سەرىك رۇستەمبەكوۆ ق ر مادەنيەت جانە سپورت مينيسترلىگىندەگى جيىندا.

ونىڭ ايتۋىنشا، كونگرەسس قاتىسۋشىلارىنىڭ باسىم بولىگى ەۋرازيا ساۋلەتشىلەر اكادەمياسىنىڭ استانادا ورنالاسۋى قاجەتتىگىن ايتقان. الايدا، عيماراتتىڭ ورنالاسۋى تۋرالى ناقتى شەشىم ءالى قابىلدانعان جوق. س. رۇستەمبەكوۆتىڭ ايتۋىنشا، اكادەميا قۇرىلىمى تۋرالى دا كەڭەستەر ۇسىنىلعان.

«اكادەميا قانداي بولۋى قاجەت دەگەن تاقىرىپتا پىكىرتالاس ءجۇردى. ارينە، ونىڭ زاماناۋي بولعانىن قالايمىز، قۇرىلىمى پيراميدا ءتارىزدى يەرارحيالىق ەمەس، تۇتاس ەۋرازيا كەڭىستىگىندە قارقىندى داميتىن قالىپتامالىق جۇيە (ماتريچنايا سيستەما) بولعانىن قالايمىز. وندا پىكىرلەر مەن جاڭا جوبالار الماستىرىلىپ، كورمەلەر ءوتۋى كەرەك. ياعني، ءبىزدىڭ مادەنيەتىمىزدى دامىتىپ، ساۋلەتتەگى اعا بۋىن مەن كىشى بۋىن اراسىنداعى الشاقتىقتى جويۋعا مۇمكىندىك بەرەدى»، - دەپ ءوز ءسوزىن تولىقتىردى س. رۇستەمبەكوۆ.

ايتا كەتەيىك، حالىقارالىق ساۋلەتشىلەر كونگرەسى 16- شىلدە كۇنى استانادا ءوتتى. وعان تاياۋ جانە قيىر شىعىس ساۋلەتشىلەرى، قازاقستان وڭىرلەرىنىڭ ساۋلەتشىلەرى قاتىستى.