12:18, 18 - شىلدە 2018 | GMT +6
ا ق ش- تىڭ يرانعا سانكسياسى: قازاقستان بولات ەكسپورتىن توقتاتتى
قاراعاندى. قازاقپارات - «ارسەلورميتتال تەمىرتاۋ» (ا م ت) ا ق يران يسلام رەسپۋبليكاسىنا ا ق ش- تىڭ اتالعان ەلگە ەنگىزگەن سانكسياسىنا بايلانىستى قىزدىرىلعان بولات ورامداردى ەكسپورتتاۋدى ۋاقىتشا توقتاتتى، دەپ حابارلايدى قازاقپارات ءتىلشىسى.
«سانكسياعا بايلانىستى يرانعا جەتكىزۋ ۋاقىتشا توقتاتىلدى. سانكتسيا الىنىپ تاستالعاننان كەيىن (ا ق ش- تىڭ يرانعا قاتىستى- اۆت.) قايتا جەتكىزۋ باستايمىز»، - دەدى كومپانيانىڭ رەسمي وكىلى الەكسەي اگۋرەيەۆ.
ا م ت قىزدىرىلعان بولات ورامداردى وندىرەدى. ونىڭ ونىمدەرى الەمنىڭ 75 ەلىنە جەتكىزىلەدى. كومبينات 180 ماركامەن بولات جاساپ شىعارادى.