ءومىردى باعالاي باستادىم: قايرات نۇرتاس جول اپاتىنان كەيىنگى ءومىرى جايلى سىر شەرتتى

 استانا. قازاقپارات - وسىدان ءبىراز جىل بۇرىن قايرات نۇرتاس اۋىر جول اپاتىنا ۇشىراعان بولاتىن. ءبىر ءولىم اۋزىنان قالعان ءانشى سول كەزەڭدە باستان كەشىرگەنى جايلى اڭگىمەلەپ بەردى.

ول قيىن جاعدايعا تاپ بولعان كەزدە، جانىندا ساناۋلى عانا ادام قالعانىن ايتتى، دەپ حابارلايدى Stan.kz اقپاراتتىق اگەنتتىگى.

«ومىردە مەن ءۇشىن ەڭ قورقىنىشتى نارسە ول جالعىزدىق. اكەم ايتپاقشى ومىردە ساعان جانى اشيتىن بىرنەشە ادام عانا جانىڭدا قالادى، ولار: ايەلىڭ، جانۇياڭ، تۋىستارىڭ، جانە ءبىر-ەكى دوسىڭ عانا قالادى» دەگەن سوزدەرى ەسىمدە، سوندىقتان سول جاقىندارىڭىزدى باعالاي بىلىڭىزدەر! وسىدان ارتىق بايلىقتىڭ كەرەگى جوق.

راسىندا باسىمنان وتكەن سىناقتار كوپ، سول كەزدە قول ۇشىن بەرگەندەر ساناۋلى. كولىك اپاتىنا تۇسكەن كەز ەسىمنەن كەتپەيدى، سول مەزەتتە شىنىمەن دە 1 سەكۋندتا بولعان ءسات، ۇزاققا سوزىلىپ بارلىق ءومىرىم كوز الدىمنان ءوتتى.

اۋرۋحانادا ومىرگە جاڭا كەلگەندەي بولدىم، ءومىردى باعالاي باستادىم، جالعىزدىقتى سول كەزدە سەزدىم! جانىمدا قالعاندار، سول اكەم ايتىپ كەتكەن جاقىندارىم قالدى»، - دەيدى قايرات نۇرتاس.