اينۇر تۇرسىنبايەۆا: ەشقاشان ادامنىڭ تيىنى مەن قىزمەتىنە قاراپ ارالاسقان ەمەسپىن

None
None
 استانا. قازاقپارات - كىم بولساڭ دا -قاراپايىم بول. اينۇر تۇرسىنبايەۆا جەلىدەگى وقىرماندارىنا جان سىرىن اقتاردى. ايتىسكەر اقىننىڭ ايتۋىنشا، كوكىرەگىن كەرىپ، ءوزىن «جۇلدىز» ساناپ كەتەتىندەر ۋاقىتى كەلگەندە ءبارىبىر «قۇزدان» قۇلايدى، دەپ جازادى Stan.kz اقپاراتتىق اگەنتتىگى.

«ادامدى ەڭ بيىك شىڭعا شىعاراتىن نە ەكەنىن ايتايىن با؟ !قاراپايىمدىلىق! ادامدى باعالاۋ! ساحنادا 25 جىل ءجۇرىپ كوزىم انىق جەتكەن نارسە ونەر تاكاپپارلىقتى قابىلدامايدى. بۇگىن تاناۋىن اسپانعا كوتەرىپ جۇرگەندەر ەرتەڭ-اق جالپ ەتىپ قۇلايدى. ادام بيىكتەگەن سايىن كىشىرەيىپ ۇيرەنۋ كەرەك. مەن ءبۇيتتىم، مەن جۇلدىزبىن، مەنى عانا سۇرادى حالىق، ماعان عانا شۋلادى دەگەن سياقتى «مەندەر» ادامنىڭ تۇبىنە جەتەدى.

اتاقتى بولۋ قيىن، ابىرويسىز بولۋ دەمدە!» - دەيدى اقىن.

تۇرسىنبايەۆا بۇل ورايدا اينالاڭا سۇيىكتى بولۋدىڭ جولدارىن ۇسىندى.

«ىشكىش بول، ساراڭ بول، قاڭعىباس بول، ول ەندى ءوز شارۋاڭ. ءبىراق قاراپايىم بول! وزىڭنەن جوعارى كەتىپ بارا جاتقاندارمەن الىسپا! وزىڭە تىلەگەن نىعمەتتى باسقاعا تىلەپ ۇيرەن! قۋ ءناپسىڭ جىبەرمەسە دە سونى جاسا! سوندا ءبارىن جەڭەسىڭ! مەن ءۇشىن سۇيىكتى بولۋدىڭ جالعىز جولى وسى!» - دەيدى ول.

اقىن بىرەۋدىڭ تيىنىن سانامايتىنىن، قىزمەتىنە قاراپ ارالاسپايتىنىن ماقتانا ايتتى. وقىرماندارىنا دا سونداي قاسيەتتى تىلەدى.

«مەن ءۇشىن ادامداردىڭ باي، كەدەيى جوق! ءبارىمىز حالىقتىڭ ءبىر بولشەگىمىز. سىزدەردى شەكسىز جاقسى كورەمىن. قازاقتىڭ مەن سياقتى قارا قىزى كوپ، مەنى توبەسىنە كوتەرىپ قۇرمەتتەگەن حالقىمنىڭ ارقاسىندا تالاي بەلەسكە شىقتىم. ماعان ونەر بەرگەن اللا، بەدەل بەرگەن حالىق! مەن وسى قاعيدانى ۇمىتسام وندا ولگەنىم! وسى ءبىر كەشتە ويلانىپ وتىرىپ اۋىلىمدى ساعىنىپ كەتسەم بولا ما؟! ساحنادا وتىرعاندا جۇرتىمنىڭ جۇزىمە قاراپ شۋىلداتىپ شاپالاق سوعىپ وتىراتىن كەزىن اڭساپ كەتتىم. سونداي كەزدە اسپانعا ۇشىپ كەتكىم كەلەدى وسى. سونى جازا سالايىن دەپ سول. قۇشاقتادىم!» - دەپ تۇيىندەدى ءسوزىن تۇرسىنبايەۆا.

سوڭعى جاڭالىقتار