قازاقستاندىقتار قىزىل تۇسكە بويالعان ايدى كورەدى
وسى ءتۇنى تولعان اي ءوز وربيتاسىندا باتىستان شىعىسقا جىلجي وتىرىپ، جەردىڭ كولەڭكەسىنە كىرەدى. بىلايشا ايتقاندا، ايدا تولىقتاي كۇن تۇتىلادى: جەر كۇن مەن ايعا تۇسەتىن جارىقتى بىرنەشە ساعاتقا جابادى. بۇل تۋرالى قازاقپاراتقا ۆ. گ. فەسەنكوۆ اتىنداعى استروفيزيكا ينستيتۋتى اي فيزيكاسى مەن عالامشار زەرتحاناسىنىڭ جەتەكشىسى، پروفەسسور، فيزيكا- ماتەماتيكا عىلىمدارىنىڭ دوكتورى ۆيكتورتەيفەل ايتتى.
«بىزدەر - جەردەگىلەر ءۇشىن جەردىڭ جارتىلاي كولەڭكەسىنە كىرەتىن اي، الدىمەن، جايلاپ كوزدەن عايىپ بولا باستايدى. كەيىن ايدىڭ ديسكىسىن پلانەتامىزدىڭ قارا كولەڭكەسى بىرتىندەپ جابا باستايدى. بۇدان سوڭ اي تولىقتاي جەردىڭ كولەڭكەسىنە ەنەدى. ەڭ قىزىقتى قۇبىلىس وسى كەزدە بولادى. اي تولىعىمەن جوعالىپ كەتپەي، قويۋ قىزىل نەمەسە قىزعىلت تۇسكە بويالىپ، كورىنىپ تۇرادى. بۇل ءتۇس ءتۇرلى تۇتىلۋ كەزىندە ءارتۇرلى بولىپ وزگەرۋى مۇمكىن»، - دەپ ءتۇسىندىردى پروفەسسور تەيفەل.
27 - شىلدە كۇنى اي جەردىڭ كۇڭگىرت كولەڭكەسىنە استانا جانە الماتى ۋاقىتتارى بويىنشا 23 ساعات 13 مينۋتتا كىرە باستايدى. ايدىڭ ديسكىسى جەر كولەڭكەسىنىڭ شەتىنە 00 ساعات 24 مينۋتتا سايكەس كەلەدى. اي جەردىڭ كولەڭكەسىنە 01 ساعات 30 مينۋتتا تولىقتاي كىرەدى. تولىق تۇتىلۋ 03 ساعات 13 مينۋتتا اياقتالادى. اي 04 ساعات 19 مينۋتتا كولەڭكەدەن شىعادى.
ۆيكتور تەيفەل اي نەمەسە كۇن تۇتىلۋىنىڭ ادامدارعا ەش كەرى اسەرى تيمەيتىندىگىن اتاپ ءوتتى.