ەرلان قارين: حالىقتىڭ قازاقشا كومەنتاتورعا تالابى ءوسىپ كەلەدى
«ءبىز ارينە، شىڭعا جەتتىك دەپ ايتىپ وتىرعان جوقپىز. ەگەر جەتىستىك بولسا، ونى اتاپ ءوتۋىمىز كەرەك. بۇل ءبىزدىڭ ۇجىمنىڭ، ماماندارىمىزدىڭ ەڭبەگى. سەبەبى، ءبىز ءوز ارىپتەستەرىمىزدى ءبىر جاعىنان جىگەرلەندىرىپ وتىرۋىمىز قاجەت. ەگەر ولارعا ءبىزدىڭ كورەرمەندەر العىسىن ايتىپ وتىرسا (...) مەنىڭ پاراقشاما كىرسەڭىز، قانشاما ادام جازىپ جاتىر. ەگەر ولار وسىلاي العىس- تىلەگىن ءبىلدىرىپ جاتسا، ءبىز ولارعا ارينە قولداۋ كورسەتەمىز. جىگەرلەندىرەمىز»، - دەيدى ەرلان قارين.
ونىڭ ايتۋىنشا، سپورت كوممەنتاتورلارىنىڭ قاراپايىم قولدانىستاعى سوزدەردى قولدانىلۋىنىڭ وزىندىك تاكتيكاسى بار.
«ءبىزدىڭ كوممەنتاتورلار جۇپپەن جۇمىس ىستەيدى. جۇپتالعان كەزدە بىرەۋى تازا سپورتتىق تىلمەن، ال ەكىنشىسى كىشكەنە مۇمكىن جالپىلاما سوزدەردى قولدانۋى مۇمكىن. ەندى قالىڭ اۋديتوريا قاراپ وتىرعاندىقتان، ونى قىزىقتىرۋ كەرەك قوي. سىزدەر لاتىن امەريكا مەن باسقا ەلدەردىڭ كوممەنتاتورلارىن كورسەڭىزدەر، ايقايلاپ جاتقانىن كورەسىزدەر. ءبىزدىڭ ءاربىر ەلدە ءوزىنىڭ بەلگىلى ءبىر اقپاراتتىق- تەلەۆيزيالىق ءداستۇرى بار. ءاربىر ەلدىڭ قالىپتاسقان تالاپتارى بار. ءبىز سول تالاپتارعا ساي جۇمىس جۇرگىزۋگە تىرىستىق»، - دەيدى ول.
ەرلان قارين دەسە دە ەسكەرتۋلەر بارىن اتاپ ءوتتى. ونىڭ ايتۋىنشا، ولاردىڭ ءبارى دە تىركەلىپ وتىرعانىن جەتكىزدى.
«ءبىراق، ءبىز سىن ايتۋدان ەشكىمدى جىبەرمەيمىز عوي. كورشىلەرىمىزدەن ۇيرەنۋ كەرەك. ولار وسىنداي بىردەڭە بولسا، ءتىپتى جەڭىلىپ جاتقان جەردە سونى جەڭىس قىلىپ كورسەتىپ جاتادى. سوندىقتان، ءبىز ارىپتەستەرىمىزدى جىگەرلەندىرىپ، قايتا وسى جىلى ماقتانىپ وتىرعانىم ەمەس - ءبىز ءۇشىن بەتبۇرىستى جىل بولدى. سەبەبى، ءبىزدىڭ ارنالاردىڭ، جۋرناليستەرىنىڭ ارتقانىن كورىنىپ وتىر. حالىق قازاق تىلىندە جوعارى دەڭگەيدە اقپارات العىلارى كەلەدى. بۇرىن قازاقشا سويلەسە ەكەن دەپ عانا ايتاتىن ەدىك. قازىر ول جەتكىلىكسىز. قازىر تالاپ ءوسىپ كەلە جاتىر. وسىعان قۋانۋ كەرەك»، - دەپ ءتۇيدى ەرلان قارين.
ەسكە سالا كەتسەك، بۇعان دەيىن فۋتبولدان رەسەيدە وتكەن الەم چەمپيوناتىن جۇرگىزگەن 15 سپورت كوممەنتاتورىنىڭ ىشىندەگى ۇزدىكتەرى انىقتالعانىن حابارلاعان بولاتىنبىز.
اۆتور: ايان بەكەن ۇلى