نۇرسۇلتان نازاربايەۆقا پاۆلودارداعى دايىن ءونىم ۇلگىلەرى كورسەتىلدى

استانا. قازاقپارات - قازاقستان پرەزيدەنتى بالقىتىلعان الليۋميني جانە جەڭىل قورىتىلاتىن اۆتوموبيل ديسكىلەرىن ءوندىرۋدىڭ تەحنولوگيالىق ۇدەرىسىمەن تانىستى، دەپ حابارلايدى اقوردانىڭ باسپا ءسوز قىزمەتى.

مەملەكەت باسشىسىنا «پاۆلودار» ەركىن ەكونوميكالىق ايماعىندا جۇزەگە اسىرىلىپ جاتقان يندۋستريالىق جوبالار جونىندە باياندالدى.

سونىمەن قاتار، نۇرسۇلتان نازاربايەۆقا دايىن ءونىم ۇلگىلەرى، اتاپ ايتقاندا، جىلىتۋ رادياتورلارى، اۆتوموبيلدەردىڭ قوسالقى بولشەكتەرى، تەمىر جول ۆاگوندارىنىڭ دوڭگەلەكتەرى كورسەتىلدى.

سونداي- اق نۇرسۇلتان نازاربايەۆ «كازەنەرگوكابەل» اكسيونەرلىك قوعامىنا باردى. مەملەكەت باسشىسى وندا توق وتكىزەتىن كابەل جاساۋ تەحنولوگياسىمەن جانە كاسىپورىننىڭ دامۋ پەرسپەكتيۆالارىمەن تانىستى.

قازاقستان پرەزيدەنتىنە ىشكى جانە شەتەلدىك نارىققا شىعارىلاتىن دايىن ءونىم ۇلگىلەرى دە كورسەتىلدى.

فوتو: pavlodar.gov.kz